Astrology : आज अमला योगासह जुळून आले अनेक शुभ योग; वृश्चिकसह 'या' 5 राशींची सर्व संकटं होतील दूर, घरात नांदणार सुख-शांती

Astrology Panchang Yog 5 June 2025 : वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींच्या लोकांना होणार आहे. या राशी नेमक्या कोणत्या ते जाणून घेऊयात. 

Astrology Panchang Yog 5 June 2025

Source : ABP Web Team

Astrology Panchang Yog 5 June 2025 : वैदिक ज्योतिष शास्त्रानुसार, आज 5 जूनचा दिवस आहे. आजचा वार गुरुवार. हा दिवस दत्तगुरुंना समर्पित आहे. तसेच, आजच्या दिवशी चंद्राने कन्या राशीत प्रवेश केला आहे. यामुळे अमला नावाचा शुभ संयोग (Yog) जुळून आला आहे. तसेच, आजच्या दिवशी सर्वार्थ सिद्धी आणि गजकेसरी नावाचा शुभ योगदेखील आहे. त्यामुळे आजचा दिवस फार खास असणार आहे. 

वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींच्या लोकांना होणार आहे. या राशी नेमक्या कोणत्या ते जाणून घेऊयात. 

वृषभ रास (Taurus Horoscope)

वृषभ राशीसाठी आजचा दिवस फार भाग्यशाली आहे. आज कामाच्या ठिकाणी तुमच्या कलागुणांना चांगलं प्रोत्साहन मिळेल. तसेच, दिवसभरात तुम्हाला एखादी चांगली शुभवार्ता ऐकायला मिळेल. आज काहीतरी नवीन गोष्ट शिकण्याची तुमची इच्छा जागृत होईल. त्याचबरोबर, तुमचा आत्मविश्वासही वाढलेला दिसेल. कोणत्याही प्रकारच्या नकारात्मक गोष्टींपासून दूर राहा. 

मिथुन रास (Gemini Horoscope)

मिथुन राशीच्या लोकांसाठी आजचा दिवस फार खास असणार आहे. तुम्हाला कामाच्या ठिकाणी सहकाऱ्यांचा चांगला पाठिंबा मिळेल. तसेच, तुमचे अनेक दिवसांपासून रखडलेले पैसे तुम्हाला परत मिळतील. तुमचं मन प्रसन्न राहील. तसेच, भौतिक सुख-संपत्तीचा चांगला लाभ घेता येईल. 

वृश्चिक रास (Scorpio Horoscope)

वृश्चिक राशीच्या लोकांसाठी आजचा दिवस महत्त्वाचा असणार आहे. आज तुमच्या उत्पन्नात चांगली वाढ झालेली तुम्हाला दिसेल. त्यामुळे तुमचा आत्मविश्वास वाढेल. तसेच, व्यापारी वर्गातील लोकांना आज चांगली डील मिळू शकते. कामाच्या ठिकाणी सहकाऱ्यांची चांगलं खेळीमेळीचं वातावरण राहील. अनेक दिवसांपासून तुमच्या मनात असलेली इच्छा पूर्ण करता येईल. 

धनु रास (Sagittarius Horoscope)

धनु राशीसाठी आजचा दिवस लाभदायी असेल. आज तुम्ही जे काही काम हाती घ्याल त्यात तुम्हाला यश मिळेल. तसेच, अतिरिक्त लाभ मिळण्याची देखील शक्यता आहे. व्यापारी वर्गातील लोकांना कामाच्या निमित्ताने प्रवास करावा लागू शकतो. अशा वेळी रागावर नियंत्रण ठेवा आणि कामावर लक्ष केंद्रित करणं गरजेचं आहे. 

मीन रास (Pisces Horoscope)

मीन राशीसाठी आजचा दिवस चांगला असणार आहे. जर तुम्हाला एखाद्या नवीन कार्याची सुरुवात करायची असेल तर त्यासाठी आजचा दिवस फार खास असणार आहे. तुमचं वैवाहिक जीवन सुरळीत चालेल. कामावर देखील लक्ष केंद्रित राहील. मुलांच्या बाबतीत थोडा सामंजस्याने व्यवहार करा. कुटुंबात आनंदी वातावरण राहील. नवीन नाती जुळतील. 

हेही वाचा :                  

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)