राष्ट्रीय स्वयंसेवक संघाच्या शाखांमध्ये महिलांना हाफ पँटमध्ये बघितलंय का? : राहुल गांधी

भाजप आणि राष्ट्रीय स्वयंसेवक संघामध्ये महिलांशी भेदभाव केला जातो, असा आरोप काँग्रेसचे उपाध्यक्ष राहुल गांधी यांनी आज केला. आपल्या आरोपाच्या समर्थनार्थ त्यांनी संघाच्या गणवेषाचा आधार घेतला. खाकी हाफ पँट हा राष्ट्रीय स्वयंसेवक संघाचा गणवेष आहे. पण, आरएसएसच्या शाखेवर कुणी महिलांना हाफ पँटमध्ये पाहिलंय काय़ असा सवाल त्यांनी केला. गुजरात दौऱ्यात आज झालेल्या विद्यार्थी संवाद मेळाव्याला संबोधित करताना राहुल यांनी भाजप-संघावर भेदभावाचा आरोप केला.