Yavatmal Farmers : यवतमाळमध्ये पावसामुळे शेतकऱ्यांचं मोठं नुकसान, पंचनामे सुरु पण अद्याप मदत नाही

यवतमाळ जिल्ह्यात झालेल्या मुसळधार पावसाने शेतकऱ्याचे मोठे नुकसान झाले आहे. अनेक शेतकऱ्यांची शेती खरडून गेली आहे. मदत व पुनर्वसन मंत्री अनिल पाटील आणि पालकमंत्री संजय राठोड यांच्या पाहणी दौऱ्यानंतर जिल्हा प्रशासन कामाला लागलंय. महागाव तालुक्यात नुकसान भरपाईचे पंचनामे ऑन फिल्ड सुरू झालेत. तर गावा-गावातील तलाठी आणि अधिकारी नुकसानीचे पंचनामे करत आहेत. मात्र, अद्यापही पाच हजारांची मदत मिळाली नसून, शेतकऱ्यांचे डोळे आता प्रत्यक्ष मदतीकडे लागलेत.