Mayuri Jagtap Family On Shashank Hagawane : हगवणे कुटुंबाकडून थोरली सून मयुरी जगतापला मारहाण, मयुरीच्या भावाने दाखवला CCTV
Mayuri Jagtap Family On Shashank Hagawane : हगवणे कुटुंबाकडून थोरली सून मयुरी जगतापला मारहाण, मयुरीच्या भावाने दाखवला CCTV
Jagtap Family On Vaishnavi Hagawane Death: सासरच्या मानसिक आणि शारिरीक त्रासाला कंटाळून वैष्णवी शशांक हगवणे (23) हिने राहत्या घरात गळफास घेऊन आत्महत्या केली आहे. याप्रकरणी वैष्णवीचा पती शशांक राजेंद्र हगवणे, सासू लता राजेंद्र हगवणे, नणंद करिश्मा राजेंद्र हगवणे यांना मृत्यूस कारणीभूत ठरल्याप्रकरणी अटक केली आहे. सासरा राजेंद्र तुकाराम हगवणे व दीर सुशील राजेंद्र हगवणे हे फरार असून, त्यांच्या तपासासाठी पोलिसांची चार पथके रवाना करण्यात आली आहेत. राजेंद्र हगवणे हा राष्ट्रवादी काँग्रेस अजित पवार गटाचा राज्य कार्यकारिणी सदस्य होता. या प्रकरणाने सध्या महाराष्ट्रात मोठी खळबळ उडाली असून हगवणेंच्या दुसऱ्या सूनेचीही हादरवणारी कहाणी समोर आली आहे. वैष्णवीचा नवरा शशांककडून हगवणे यांची मोठी सून मयुरीला हिला मारहाण करण्यात येत होती. याबाबतचा सीसीटीव्ही मयुरीच्या भावाने एबीपी माझाशी बोलताना दाखवला आहे. तर करिष्मा आणि शशांक हगवणे यांनी आपल्या मुलीला सर्वाधिक त्रास दिल्याचा आरोप मयुरी जगताप हिच्या आईने केला आहे.
करिष्मा आणि शशांक हगवणे यांनी सर्वाधिक त्रास दिला
हगवणे यांची मोठी सून मयुरी जगताप हिच्या आई म्हणाल्या की, हगवणे कुटुंबीयांनी माझ्या मुलीला देखील त्रास दिलेला आहे. शशांक हगवणे, करिष्मा हगवणे,लता हगवणे यांनी माझ्या मुलीला त्रास दिला. पण, माझ्या मुलीने ज्यावेळेस त्रास होईल त्यावेळेस मला सांगितले. मला त्रास देत आहे, मला मारहाण करताय, असे माझी मुलगी मला सांगायची. आम्ही दोन-तीन वेळेस त्यांच्यासोबत बैठक घेतली. हे प्रकरण मिटवण्याचा प्रयत्न केला. मुलीला समजावून सांगितलं. मुलीने थोडे दिवस सहन केले पण सहन करण्याची एक क्षमता असते. क्षमतेच्या पलीकडे गेल्यावर मुलीला सहन झाले नाही. त्यांनी मुलीला मारहाण केली. आम्ही तक्रार करायला गेल्यानंतर पोलिसांनी लगेच तक्रार घेतली नाही. तिचं लग्न झाल्यानंतर सहा महिने ते लोक व्यवस्थित वागले. नंतर करिष्मा हगवणे आणि शशांक हगवणे हे तिला जास्त त्रास द्यायला लागले. तिच्या मिस्टरांचा यात काहीही हात नाही. तिच्या मिस्टरांनी कायम तिला साथ दिली. अजूनही तिला त्यांची साथ आहे.
महत्त्वाच्या बातम्या
ट्रेंडिंग न्यूज
