Cabinet expansion :मंत्रिमंडळ विस्तारात कुणाला संधी? शिंदे गटाच्या ४ आणि  भाजपच्या ४ नेत्यांना संधी?

Cabinet expansion : राज्यात दिवाळीनंतर शिंदे फडणवीस सरकारमध्ये मंत्रिमंडळ विस्ताराची शक्यता वर्तवली जातेय. या मंत्रिमंडळ विस्तारात  शिंदे गटाच्या ४ आणि  भाजपच्या ४ नेत्यांना संधीची शक्यता आहे. शिंदे गटातील नाराज नेते संजय शिरसाट यांना या मंत्रिमंडळ विस्तारात संधी मिळण्याची अधिक शक्यता आहे. दरम्यान काही दिवसांपूर्वी शिरसाट यांच्यावर मुंबईतील रग्णालयात उपचार झाले होते. यावेळी शिरसाट यांना मंत्रिमंडळात संधी मिळण्याची चर्चा सुरु होती. सोबतच भरत गोगावले, बच्चू कडू, सदा सरवणकर आणि प्रकाश आबिटकरांना  मंत्रिपदाची संधी मिळण्याची शक्यता आहे.  योगेश कदम, बालाजी किणीकर यांच्याही नावाची मंत्रिपदासाठी चर्चा आहे.