BJP Leaders Meeting Raj Thackeray:BJP नेते आणि राज ठाकरेंच्या भेटीगाठी वाढल्या,राजकीय वर्तुळात चर्चा

भाजप नेते आणि मनसे प्रमुख राज ठाकरे यांच्या गाठीभेटी चांगल्याच वाढल्यात.. काल भाजपचे राष्ट्रीय सरचिटणीस विनोद तावडेंनी काल राज ठाकरेंची भेट घेतली. तर आज निवनियुक्त भाजप प्रदेशाध्यक्ष चंद्रशेखर बावनकुळे मनसे प्रमुखांशी चर्चा करणार आहेत.. तर राज ठाकरे हे उपमुख्यमंत्री देवेंद्र फडणवीसांना भेटल्याचं वृत्त दोन्ही पक्षांच्या नेत्यांनी फेटाळलंय.. मुंबई महापालिका निवडणुकांच्या तोंडावर मनसे आणि भाजपची युती होणार का अशी जोरदार चर्चा रंगतेय..
उद्धव ठाकरेंना जय महाराष्ट्र करत शिंदे गटानं फडणवीस टीमशी हातमिळवणी केली आणि महाराष्ट्रात सत्तांतर घडलं. मात्र सत्तांतरापूर्वी भाजपशी युतीच्या प्रयत्नात असणाऱ्या मनसेचं काय होणार? असा प्रश्न राजकीय गोटात चर्चिला जात होता..मात्र आता भाजप नेते राज ठाकरेंना भेटत असल्यानं पुन्हा तर्क-वितर्क लढवले जाताहेत..