ABP Ideas of India Summit 2022 Day 1 : आयडियाज ऑफ इंडिया मधील CEO Avinash Pandey यांचं भाषण

ABP Ideas Of India : सध्या देश स्वातंत्र्याचं 75वं वर्ष साजरं करत आहे. स्वातंत्र्याची 75 गौरवशाली वर्षानिमित्त ABP नेटवर्क विविध क्षेत्रातील भारतातील सर्वात प्रभावशाली व्यक्तिमत्त्वांना एकत्र आणत आहे. ABP नेटवर्कच्या 'आयडियाज ऑफ इंडिया' (ABP Ideas Of India) समिटमध्ये संस्कृती, क्रीडा आणि मनोरंजन क्षेत्रापासून तंत्रज्ञान, व्यवसाय आणि राजकारण अशा विविध क्षेत्रातील विचारप्रवर्तक लोक आणि उत्कृष्ट विचारसरणी या मंचावर पाहायला मिळणार आहे. हे दिग्गज भारताच्या आतापर्यंतच्या प्रवासाबद्दल बोलणार असून देशाच्या उज्ज्वल भविष्यासाठी दृष्टी शेअर करणार आहेत. 

'आयडियाज ऑफ इंडिया' समिटमध्ये मुक्त विचारांच्या थीमसह, कॉन्क्लेव्हमध्ये दररोज किमान 10 सत्रं असतील. ज्यामध्ये विविध क्षेत्रांतील दिग्गज त्यांच्या कौशल्याच्या क्षेत्राचे प्रतिनिधित्व करतील. दोन्ही दिवशी सकाळी 10 वाजल्यापासून समिट सुरू होईल. 25 आणि 26 मार्च रोजी होणार्‍या ABP नेटवर्कच्या 'आयडियाज ऑफ इंडिया समिट'ची पहिलं सत्र भारतासाठीच्या नवीन कल्पनांबद्दल बोलण्यासाठी एक व्यासपीठ आहे. 

प्रमुख वक्त्यांमध्ये नोबेल शांतता पुरस्कार विजेते कैलाश सत्यार्थी (Kailash Satyarthi), सोनम वांगचुक (Sonam Wangchuk), प्रेरणादायी वक्ते गौर गोपाल दास (Gaur Gopal Das), इन्फोसिसचे संस्थापक एनआर नारायण मूर्ती (N.r. Narayana Murthy), प्रसिद्ध पत्रकार फरीद झकेरिया (Fareed Zakaria), काँग्रेस खासदार शशी थरूर (Shashi Tharoor), पश्चिम बंगालचे राज्यपाल जगदीप धनखर (Jagdeep Dhankhar) आणि केंद्रीय मंत्री नितीन गडकरी (Nitin Gadkari) यांचा समावेश असेल. शिक्षण जगताचे प्रतिनिधीत्व करण्यासाठी सुपर 30 चे संस्थापक आनंद कुमार, लीड सीईओ सुमित मेहता आणि अपग्रेडचे सह-संस्थापक फाल्गुन कोंपली करतील.

याव्यतिरिक्त कपिल देव, जफर इक्बाल आणि लिएंडर पेस खेळाबद्दल बोलतील. मनोरंजन जगतातील उषा उथुप आणि गायकांमध्ये नवीन वयाचे कलाकार पेपॉन आणि जसलीन रॉयल, व्हायोलिन वादक एल सुब्रमण्यम, चित्रपट दिग्दर्शक कबीर खान (Kabir Khan), आनंद एल राय, नागेश कुकुनूर आणि रमेश सिप्पी आणि अभिनेते तापसी पन्नू, अभिनेता आमिर खान यांचा समावेश असेल.