Union Budget 2025 Video: इन्कम टॅक्स... अर्थमंत्र्यांची संसदेत घोषणा; पंतप्रधान मोदींनी दणादण वाजवला बाक, अमित शाहांनी काय केलं?

पंतप्रधान नरेंद्र मोदींसह संरक्षणमंत्री राजनाथ सिंह, गृहमंत्री अमित शाह आणि रस्ते व दळणवळण मंत्री नितीन गडकरी हे पहिल्या रांगेत होते.

Nirmala sitaram announcement tax free and modi

Source : abp

नवी दिल्ली : अर्थमंत्री निर्मला सितारमण (Nirmala Sitaraman) यांनी आज संसदेत देशाचा अर्थसंकल्प 2025 सादर केला. सर्वसामान्य नागरिकांना मोठा दिलासा देणारा, आणि नोकरदारांना आनंदाचा सुखद धक्का देणारा यंदाचा अर्थसंकल्प ठरला आहे. पंतप्रधान नरेंद्र मोदींनी अर्थसंकल्पापूर्वी भाषण करताना लक्ष्मी गरीब व मध्यमवर्गीयांना आशीर्वाद देईल, असे मोदींनी म्हटले होते. त्यानुसार, आज निर्मला सितारमण यांनी संसदेत टॅक्स फ्रीसंदर्भात घोषणा करताच पंतप्रधान नरेंद्र मोदींसह (Narendra Modi) सर्वच मंत्री व खासदार महोदयांनी बाक वाजवून या निर्णयाचं स्वागत केलं. नाऊ हॅप्पी टू अनाऊंस दॅट नो इन्कम टॅक्स अप टू इन्कम ऑफ ट्वेल्व लाख रुपीज... अशी घोषणा निर्मला सितारमण यांनी संसदेत करताच सर्वांना बाक वाजवून निर्णयाचं स्वागत केलं. त्यावेळी, पंतप्रधान नरेंद्र मोदींनी दणादणा बाक वाजवत आनंद व्यक्त केला. 

पंतप्रधान नरेंद्र मोदींसह संरक्षणमंत्री राजनाथ सिंह, गृहमंत्री अमित शाह आणि रस्ते व दळणवळण मंत्री नितीन गडकरी हे पहिल्या रांगेत होते. निर्मला सितारमण यांनी 12 लाख रुपयांच्या उत्पनाच्या मर्यादेपर्यंत कुठलाही टॅक्स सर्वसामान्य नागरिकांना लागणार नाही, अशी घोषणा केली. त्यावेळी, मोदींनी डाव्या हाताने बाक वाजून स्वागत केलं. तर, राजनाथसिंह व अमित शाह यांनीही मोठमोठ्याने बाक वाजवत आपला आनंद व्यक्त केला. नितीन गडकरी हेही बाक वाजवताना दिसून येत आहेत. 

दरम्यान, गेल्या काही दिवसांपासून केंद्र सरकार करमुक्त उत्पन्नाची मर्यादा वाढवेल, अशी चर्चा होती. मात्र, केंद्र सरकार इतकी मोठी सूट देईल, अशी अपेक्षा स्वप्नातही कोणी केली नव्हती. त्यामुळे अर्थमंत्री निर्मला सीतारामन यांनी शुक्रवारी संसदेत 12 लाख रुपयांचे उत्पन्न टॅक्स फ्री असेल, असे सांगताच अनेकांना विश्वासच बसत नव्हता. या घोषणेनंतर अनेकजण ही गोष्ट खरी आहे का, हे वारंवार तपासून पाहत होते. त्यामुळे निर्मला अक्कांच्या या घोषणेनंतर सामान्य नोकरदारांना आनंदाचा दे धक्का बसाला आहे. या निर्णयामुळे सामान्य नोकरदारांच्या हातात आता जास्त पैसे उरणार आहेत. कर न लागल्याने पगारातील रक्कम कापली जाणार नाही. त्यामुळे देशातील मध्यमवर्गाची क्रयशक्ती वाढेल आणि ते खर्च करताना हात मोकळा सुटणार आहे.  

#WATCH | #UnionBudget2025 | वित्त मंत्री निर्मला सीतारमण ने कहा, " मुझे यह घोषणा करते हुए खुशी हो रही है कि अब 12 लाख रुपये तक की आय पर कोई आयकर नहीं देना होगा।" pic.twitter.com/qy9osoNezk

— ANI_HindiNews (@AHindinews) February 1, 2025

देशातील सर्व मध्यमवर्गीय हे नेहमीच पंतप्रधान नरेंद्र मोदींच्या ह्रदयात असतात. देशातील नागरिकांना 12 लाख रुपयांपर्यंतच्या उत्पन्नावर कर मुक्त आहे. सरकारने दिलेली ही सूट सर्वसामान्य नागरिकांच्या आर्थिक बजेटमध्ये आनंद निर्माण करणारी असल्याचंही अमित शाह यांनी म्हटलं आहे. 

केंद्रीय गृह मंत्री अमित शाह ने ट्वीट किया, 'मध्यम वर्ग हमेशा पीएम मोदी के दिल में है। 12 लाख रुपये की आय तक शून्य आयकर। प्रस्तावित कर छूट मध्यम वर्ग की वित्तीय खुशहाली बढ़ाने में काफी मददगार साबित होगी......" pic.twitter.com/7si5Hhy4go

— ANI_HindiNews (@AHindinews) February 1, 2025

कोणत्या उत्पन्न गटाला किती टॅक्स 

० ते 4 - Nil
4 ते 8- 5 टक्के
8 ते 12 लाख - 10 टक्के
12 ते 16 लाख - 15 टक्के
16 ते 20 लाख - 20 टक्के
20 ते 24 लाख - 25 टक्के
24 लाखापुढे - 30 टक्के

हेही वाचा