Maharashtra Politics: 'ठाकरे गटाचा नेता भाजपच्या वाटेवर', मंत्री Uday Samant यांचा मोठा गौप्यस्फोट!

राज्याचे उद्योगमंत्री उदय सामंत यांनी रत्नागिरीतील शिवसेनेच्या ठाकरे गटाचे नेते सुरेंद्र उर्फ बाळ माने यांच्या भाजप प्रवेशावरून मोठा गौप्यस्फोट केला आहे. 'दोन हजार चोवीसची विधानसभा निवडणूक लढवलेले रत्नागिरी विधानसभेतील ठाकरे यांचे उमेदवार सुरेंद्र उर्फ बाळ माने पुन्हा भाजपात प्रवेशासाठी प्रयत्नशील आहेत' अशी माहिती सामंतांनी दिली. माने हे बांधकाम मंत्री रवींद्र चव्हाण यांच्या सहाय्यकामार्फत भाजपमध्ये प्रवेश करण्यासाठी प्रयत्न करत असल्याचा दावाही सामंत यांनी केला आहे. यावर, 'मी कोणाकडेही प्रवेशासाठी गेलो नाही' असे म्हणत बाळ माने यांनी हे आरोप फेटाळले आहेत. उलट, आपल्यालाच भाजपमध्ये जाण्यापासून अडवू नका, असे सांगण्यात आल्याचे पुरावे असल्याचा प्रतिदावा त्यांनी केला आहे. या आरोप-प्रत्यारोपामुळे रत्नागिरीच्या राजकारणात खळबळ उडाली असून, महायुतीत सर्व काही आलबेल नसल्याचे संकेत मिळत आहेत.