Thane Metro Trial Run | ठाण्यात पहिल्या Metro 4 ची चाचणी, डिसेंबर अखेर सेवा सुरू होण्याची शक्यता

ठाण्यात पहिल्या वहिल्या Metro 4 मार्गिकेची आज चाचणी घेण्यात आली. कॅडबरी जंक्शन ते गायमुख या साडेदहा किलोमीटर अंतरासाठीची ही Metro सेवा डिसेंबर अखेर सुरू होण्याची शक्यता आहे. या टप्प्यात ठाणेकरांसाठी दहा स्थानकं खुली करण्यात येतील. आज चार स्थानकांची चाचणी घेण्यात आली. Metro 4 अ आणि Metro 4 चा गायमुखपासून ते कॅडबरी जंक्शन हा पहिला टप्पा थोड्या वेळानंतर सुरू केला जाईल. या दहा स्थानकांनंतर संपूर्ण Metro एकूण पस्तीस स्थानकांची आहे. Metro 4 चा मार्ग कासरवडोलीपासून ते भक्ती पार्कपर्यंत असणार आहे. ही Metro सुरू झाल्यास ठाणेकरांना मोठा फायदा होईल. पुढच्या तीन ते चार महिन्यातच ठाणेकरांना गायमुख ते कॅडबरी हा पहिला टप्पा वापरण्यासाठी मिळू शकेल. वृत्तांचे प्रतिनिधी अक्षय भाटकर यांनी गायमुख स्थानकामधून आढावा घेतला. ABP Majha ने ही बातमी दिली.