Thackeray brothers reunion | गणेशोत्सवात 'सरप्राईज' भेट? Amit Thackeray यांनी दिले संकेत

ठाकरे बंधू पुन्हा एकदा एकत्र येण्याची शक्यता आहे. यापूर्वी एकत्रित मेळावा आणि मातोश्रीवर वाढदिवसासाठी शुभेच्छांजवळची भेट झाली होती. आता गणेशोत्सवाच्या मुहूर्तावर त्यांची तिसरी भेट होऊ शकते, असे संकेत राज ठाकरेंचे पुत्र अमित ठाकरेंनी दिले आहेत. अमित ठाकरेंनी आज गणेशोत्सव काळात होणाऱ्या परीक्षा रद्द करण्याच्या मागणीसाठी मंत्री आशिष शेलार यांची भेट घेतली. या भेटीनंतर पत्रकारांनी अमित ठाकरेंना उद्धव ठाकरेंबद्दल प्रश्न विचारला. गणेशोत्सवासाठी उद्धव ठाकरेंना निमंत्रण देणार का, अशी विचारणा पत्रकारांनी केली. यावर अमित ठाकरेंनी "केवळ सरप्राईज असेल," असे उत्तर दिले. आदित्य ठाकरेंनीही या सरप्राईजवर भाष्य केले. "मला वाटतं साहेबांनी दिलं आहे तिथे आणि सरप्राईज आहे, सरप्राईज," असे आदित्य ठाकरेंनी म्हटले. अमित ठाकरेंनी उद्धव ठाकरे यांच्याबाबतीत सरप्राईज असेल असे स्पष्ट केले. "सरप्राईजसाठी तुम्ही थांबा मी कशाला सरप्राईज फोडू आता?" असेही अमित ठाकरेंनी सांगितले. या घडामोडींमुळे राजकीय वर्तुळात ठाकरे कुटुंबाच्या संभाव्य भेटीची चर्चा सुरू झाली आहे.