Pune: सिंधुताईंच्या 9 लेकींचा थाटात साखरपुडा ABP Majha

अनाथांची माय अशी ओळख असलेल्या दिवंगत पद्मश्री सिंधुताई सपकाळ यांच्या ९ लेकींना आयुष्याचे जोडीदार मिळाले आहेत. पुणे जिल्ह्यातील कुंभारवळण इथल्या ममता बाल सदनमध्ये माईंच्या या लाडक्या ९ लेकींचा नुकताच थाटात साखरपुडा पार पडला. लेकींच्या साखरपुडा कार्यक्रमाच्या निमित्ताने ममता बाल सदनमध्ये नवचैतन्य निर्माण झालं होतं. उपवर मुलगा आणि उपवर मुलीस समोरासमोर बसवून आवडी-निवडी संदर्भात प्रश्न विचारून आणि दोघांची पसंती घेवून हा साखरपुडा संपन्न झाला.