Shaniwar Wada Row: 'शनिवार वाडा आमच्या विजयाचं प्रतीक, खासदार Medha Kulkarni आक्रमक

पुण्यामधील (Pune) ऐतिहासिक शनिवार वाड्यामध्ये (Shaniwar Wada) नमाज पठण झाल्याच्या कथित व्हिडीओनंतर खासदार मेधा कुलकर्णी (MP Medha Kulkarni) आणि हिंदुत्ववादी संघटना आक्रमक झाल्या आहेत. ‘ज्या ठिकाणी नमाज पठण झालं, त्या जागेचं शुद्धीकरण आम्ही शिववंदना करुन करणार आहोत. मराठा साम्राज्याचा विस्तार ज्या केंद्रातून झाला ते ऐतिहासिक ठिकाण आमच्या विजयाचं प्रतीक आहे’, अशी भूमिका मेधा कुलकर्णी यांनी घेतली आहे. या कथित घटनेनंतर सकल हिंदू समाज आणि पतित पावन संघटनेच्या कार्यकर्त्यांनी जोरदार घोषणाबाजी करत आंदोलन केले. यापूर्वीही पुण्यातील सदाशिव पेठेत एका भिंतीला हिरवा रंग फासणे आणि सारसबागेत नमाज पठण करण्याच्या घटनांवरून वाद निर्माण झाला होता, ज्यात मेधा कुलकर्णी यांनी हस्तक्षेप केला होता. आता शनिवार वाड्यातील प्रकारानंतर परिसरात तणावाचे वातावरण असून, असले प्रकार खपवून घेतले जाणार नाहीत, असा इशारा देण्यात आला आहे.