Thackeray Alliance: 'दोन ठाकरे सगळ्यांच्या ठिकऱ्या उडवतील', Sanjay Raut यांची मोठी घोषणा!

शिवसेनेचे (UBT) खासदार संजय राऊत (Sanjay Raut) यांनी ठाण्यात (Thane) शिवसेना आणि मनसेच्या युतीची घोषणा केल्याने राजकीय वर्तुळात चर्चांना उधाण आले आहे. 'दोन ठाकरे करणार सगळ्यांच्या ठिकऱ्या उडवतात,' असे म्हणत राऊत यांनी विरोधकांना इशारा दिला आहे. भाजपाच्या 'आपकी बार सत्तर पार' घोषणेला उत्तर देताना, ठाकरे बंधू एकत्र आल्यास 'पंचाहत्तर पार' जागा जिंकू असा विश्वास त्यांनी व्यक्त केला. राऊत यांच्या या दाव्याची महायुती आणि मनसेच्या नेत्यांनी खिल्ली उडवली आहे. शिंदे गटाच्या नेत्यांनी, राऊत स्वतःच्या भांडुपमध्ये नगरसेवक निवडून आणू शकले नाहीत, अशी टीका केली, तर भाजप नेत्यांनी मेंटल हॉस्पिटलमधील जागा जिंकणार का? असा उपरोधिक सवाल केला आहे. मनसे नेत्यांनी हिंमत असेल तर स्वतंत्रपणे लढून दाखवण्याचे आव्हान दिले आहे. दिवाळीच्या निमित्ताने उद्धव ठाकरे (Uddhav Thackeray) आणि राज ठाकरे (Raj Thackeray) यांच्यात झालेल्या भेटीनंतर या राजकीय घडामोडींना वेग आला आहे.