Salman Khan ला कोर्टात हजर राहण्याचे आदेश, 3 वर्षांपूर्वीचं प्रकरण सलमानला भोवणार?

तीन वर्षांपूर्वी पत्रकाराला धमकावल्याच्या प्रकरणात सलमान खानला हजर राहण्याचे आदेश अंधेरी न्यायालयाने दिले आहेत. सलमानसोबत त्याचा बॉडीगार्ड नवाज इक्बाल शेख यांना 5 एप्रिलला न्यायालयात हजर राहण्याचे समन्स आहेत. तीन वर्षांपूर्वी मुंबईच्या रस्त्यावर सायकल रपेट मारणाऱ्या सलमानचा व्हिडीओ बनवण्याचा प्रयत्न पत्रकार अशोक पांडे यांनी केला होता मात्र त्यावेळी सलमान आणि बॉडीगार्डनं असभ्य वर्तन करत मोबाईल हिसकावून घेतला आणि धमकी दिल्याचा आरोप पांडे यांनी केला होता. या प्रकरणी त्यांनी सलमान विरोधात तक्रार दिली होती. सध्या अंधेरी न्यायालयात यावर सुनावणी सुरू आहे.