Sahyadri Farms Income Tax शेतकऱ्यांच्या मालकीच्या सह्याद्री फार्म कंपनीनं भरला 54 कोटींचा आयकर

राज्यात सर्वत्र पावसामुळे बळीराजा हवालदिल झाला आहे. स्वतःच्या पायावर उभे राहण्यासाठी शेतकरी सरकारच्या मदतीकडे डोळे लावून बसला आहे. याच परिस्थितीत नाशिकमधील शेतकऱ्यांच्या मालकीच्या Sahyadri Farms कंपनीने सरकारच्या तिजोरीमध्ये कोट्यवधी रुपयांच्या कराचा भरणा केला आहे. गेल्या वर्षी कंपनीने तब्बल ₹54 कोटी रुपयांचा Income Tax भरला. गेल्या चौदा वर्षांमध्ये एकूण ₹218 कोटींचा कर भरलेला आहे, ज्यामध्ये ₹136 कोटी रुपयांचा Income Tax समाविष्ट आहे. या वर्षी एकूण ₹85.5 कोटी रुपयांचा कर भरला असून, त्यात ₹54 कोटी रुपयांच्या Income Tax चा समावेश आहे. शासनाकडून या कंपनीला केवळ ₹55 कोटी अनुदान मिळाले आहे. या संदर्भात, "शासनाला आम्ही चार रुपये दिले आणि शासनाकडून एक रुपया घेतला," असे म्हटले आहे. शेतकरी Income Tax भरत नाही अशी मध्यमवर्गीयांची ओरड असते, पण या आकडेवारीने शेतकऱ्यांच्या योगदानाचे महत्त्व अधोरेखित केले आहे.