Sena Rift: शिंदेंच्या मेळाव्याकडे Abudl Sattar यांची पाठ, नाराजीनाट्याची चर्चा

छत्रपती संभाजीनगरमध्ये (Chhatrapati Sambhaji Nagar) शिवसेनेच्या (Shiv Sena) शिंदे गटातील अंतर्गत मतभेद पुन्हा एकदा समोर आले आहेत. आमदार अब्दुल सत्तार (Abdul Sattar) यांनी शिवसेनेच्या गटप्रमुखांच्या मेळाव्याकडे पाठ फिरवल्याने राजकीय वर्तुळात खळबळ उडाली आहे. 'कार्यक्रमाच्या बॅनरवर फोटो नसल्यामुळे अब्दुल सत्तार नाराज आहेत', अशी चर्चा या अनुपस्थितीमुळे सुरू झाली आहे. या घटनेमुळे शिंदे गटातील सर्व काही आलबेल नसल्याचे संकेत मिळत असून, आगामी काळात या नाराजीचे काय पडसाद उमटतात याकडे सर्वांचे लक्ष लागले आहे. सत्तार यांनी यापूर्वीही अनेकदा आपल्या वक्तव्यांनी आणि कृतींनी पक्षाला अडचणीत आणले आहे, त्यामुळे त्यांच्या या भूमिकेमुळे महायुतीमध्येही अस्वस्थता पसरण्याची शक्यता आहे.