Ravindra Dhangekar PC : 'माझ्या तोंडात शब्द घालण्याचा प्रयत्न', धंगेकरांचा मोठा आरोप

पुण्याचे नेते रवींद्र धंगेकर यांनी पत्रकार परिषदेत अनेक राजकीय मुद्द्यांवर भाष्य केले. त्यांनी अमित शहा यांच्याबद्दलच्या वादग्रस्त व्हिडिओवरून मोठा खुलासा केला. 'माझ्या तोंडात कुणीतरी शब्द घालण्याचा प्रयत्न केलाय, मी अमित शहांबद्दल कधीही चुकीचे बोललो नाही,' असे धंगेकर यांनी स्पष्ट केले. ज्या चॅनेलच्या व्हिडिओची मोडतोड करण्यात आली आहे, त्यांनी खुलासा करावा किंवा फौजदारी तक्रार दाखल करावी, अशी मागणीही त्यांनी केली. धंगेकर यांनी एकनाथ शिंदे यांनी दोन दिवसांची मुदत दिल्याचे सांगितले आणि आता आपला लढा सुरूच राहणार असल्याचे म्हटले. त्यांनी आपल्या विरोधकांना आव्हान दिले की, 'मी योगींचा आशीर्वाद घेतला आहे आणि आता तुम्ही माझ्याशी लढाच.' तसेच, त्यांनी एका व्यक्तीने दिलेल्या शापावर बोलताना, तो शाप मागे घ्यावा कारण त्याचा त्रास कुटुंबाला होतो, अशी विनंती करणार असल्याचे सांगितले.