Ajit Pawar Meet Devendra Fadnavis: पुत्र पार्थ पवारांवरील आरोपांमुळे अजित पवार मुख्यमंत्र्यांच्या भेटीला

उपमुख्यमंत्री अजित पवार (Ajit Pawar), सुनील तटकरे (Sunil Tatkare) आणि प्रफुल्ल पटेल (Praful Patel) यांनी मुख्यमंत्री देवेंद्र फडणवीस (Devendra Fadnavis) यांची 'वर्षा' निवासस्थानी भेट घेतली. पार्थ पवार (Parth Pawar) यांच्या अमेडिया कंपनीच्या (Amedia Company) पुणे जमीन व्यवहार (Pune Land Deal) प्रकरणातील आरोपांवर या बैठकीत चर्चा झाल्याची माहिती आहे. ‘प्राथमिक दृष्ट्या मुद्दे गंभीर आहेत, संपूर्ण माहिती घेऊन कारवाईची दिशा ठरवू’, असं मुख्यमंत्री देवेंद्र फडणवीस यांनी म्हटलं आहे. पुण्यातील कोरेगाव पार्क परिसरातील सुमारे १८०० कोटी रुपयांची जमीन पार्थ पवार यांच्या कंपनीने केवळ ३०० कोटी रुपयांना विकत घेतल्याचा आरोप विरोधकांनी केला आहे. या प्रकरणी मुख्यमंत्र्यांनी उच्चस्तरीय चौकशीचे आदेश दिले असून, एका तहसीलदाराला आणि उपनिबंधकाला निलंबित करण्यात आले आहे. या प्रकरणामुळे विरोधकांनी अजित पवार यांच्या राजीनाम्याची मागणी केली आहे.