Prakash Shendge OBC Melava : OBC महामेळाव्यातून नेते कोणती भूमिका मांडणार ?

Prakash Shendge OBC Melava : OBC महामेळाव्यातून नेते कोणती भूमिका मांडणार ? 

पश्चिम महाराष्ट्रात एकीकडे मनोज जरांगे पाटील (Manoj Jarange Patil) यांची शांतता रॅली सुरू आहे. तर दुसरीकडे पश्चिम महाराष्ट्रमधीलच सांगली जिल्ह्यात आज दुपारी ओबीसी आरक्षण बचाव महाएल्गार मेळावा (OBC Mahaelgar Melava) पार पडणार आहे.  या मेळाव्यासाठी पश्चिम महाराष्ट्रातून लाखो ओबीसी (OBC) बांधव सहभागी होणार आहेत.

या मेळाव्यास मंत्री छगन भुजबळ (Chhagan Bhujbal), पंकजा मुंडे (Pankaja Munde), प्रकाश शेंडगे (Prakash Shendge),  गोपीचंद पडळकर (Gopichand Padalkar), लक्ष्मण हाके (Laxman Hake) उपस्थित राहणार आहेत. या सभेतून छगन भुजबळ नेमकं काय बोलणार? याकडे आता सर्वांचे लक्ष लागले आहे. 

प्रकाश शेंडगेंची मनोज जरांगेंवर टीका

सांगली येथील तरुण भारत स्टेडियम येथे दुपारी 2 वाजता हा मेळावा सुरू होणार आहे. मनोज जरांगेंची मराठा आरक्षण ओबीसीमधून मिळण्याची मागणी घटनेला धरून नाही. तसेच जरांगे दररोज आपल्या नवनवीन मागण्या बदलत गेल्यामुळे मराठा आंदोलनाची दिशा भरकटली आहे, असे ओबीसी नेते प्रकाश शेंडगे (Prakash Shendge) यांनी म्हटले आहे. तसेच मनोज जरांगेंनी विधानसभेत उमेदवार दिले तर ओबीसी देखील आपली ताकद दाखवून जे ओबीसी आरक्षणाला विरोध करतील त्यांना पाडण्याचं काम करेल आणि याची ट्रायल लोकसभेमध्ये झालेय, असं प्रकाश शेंडगे यांनी म्हटले आहे. आजच्या ओबीसी आरक्षण बचाव महाएल्गार मेळाव्याकडे आता सर्वांचे लक्ष लागले आहे.