Sharad Pawar and Ajit Pawar : बारामतीत अख्खं पवार कुटुंब कार्यक्रमासाठी एकत्र

बारामतीमध्ये (Baramati) पुन्हा एकदा पवार कुटुंबातील सदस्य एकत्र आले आहेत, ज्यामुळे राजकीय चर्चांना उधाण आले आहे. एग्रीकल्चरल डेव्हलपमेंट ट्रस्टच्या (Agricultural Development Trust) वार्षिक सर्वसाधारण सभेनिमित्त राष्ट्रवादी काँग्रेसचे (SP) अध्यक्ष शरद पवार (Sharad Pawar) आणि उपमुख्यमंत्री अजित पवार (Ajit Pawar) एकाच मंचावर उपस्थित होते. या कार्यक्रमाला त्यांच्यासोबत खासदार सुप्रिया सुळे (Supriya Sule), सुनेत्रा पवार (Sunetra Pawar), राजेंद्र पवार आणि सुनंदा पवार यांनीही हजेरी लावली. बारामतीमधील कृषी महाविद्यालयात हा कार्यक्रम पार पडला. राजकीय विभाजनानंतर पवार कुटुंबातील हे सदस्य अनेकदा वेगवेगळ्या कार्यक्रमांमध्ये दिसले असले तरी, या महत्त्वपूर्ण संस्थेच्या बैठकीसाठी त्यांचे एकत्र येणे हे सर्वांचे लक्ष वेधून घेत आहे. विशेष म्हणजे, दोन्ही नेत्यांनी एकमेकांशी संवाद साधणे टाळल्याचे दिसून आले.