Parli Alliance: 15 वर्षांनंतर मुंडे बहीण-भाऊ एकत्र, Pankaja आणि Dhananjay Munde शिक्कामोर्तब करणार

परळी नगरपरिषदेच्या निवडणुकीसाठी तब्बल पंधरा वर्षांनंतर मुंडे कुटुंबात राजकीय सलोखा होणार आहे. मंत्री पंकजा मुंडे (Pankaja Munde) आणि आमदार धनंजय मुंडे (Dhananjay Munde) यांच्यात युती होण्याचे संकेत आहेत. या संभाव्य युतीमध्ये, भारतीय जनता पक्ष (BJP) १२ ते १५ जागांवर, तर राष्ट्रवादी काँग्रेस (अजित पवार गट) २० ते २३ जागांवर निवडणूक लढण्याची शक्यता वर्तवण्यात येत आहे. वृत्तानुसार, 'परळी नगरपरिषदेच्या युतीवर मंत्री पंकजा मुंडे आणि आमदार धनंजय मुंडे लवकरच शिक्कामोर्तब करतील'. २०१६ च्या निवडणुकीत राष्ट्रवादीने २८ जागा जिंकल्या होत्या, तर भाजप महायुतीला केवळ पाच जागांवर समाधान मानावे लागले होते. आता १५ वर्षांनंतर या बहीण-भावाच्या युतीमुळे परळीच्या राजकारणात मोठे बदल अपेक्षित आहेत.