Gopinath Munde Family : 'गोपीनाथ मुंडेंचे राजकीय वारसदार कोण?' भुजबळांमुळे पुन्हा वाद Special Report

बीडमधील ओबीसी महाएल्गार सभेत (OBC Mahaelgar Sabha) मंत्री छगन भुजबळ (Chhagan Bhujbal) यांनी धनंजय मुंडे (Dhananjay Munde) यांना गोपीनाथ मुंडे (Gopinath Munde) यांचे राजकीय वारसदार संबोधल्याने नवा वाद उफाळून आला आहे. या प्रकरणामुळे मुंडे कुटुंबातील पंकजा मुंडे (Pankaja Munde) आणि धनंजय मुंडे यांच्यातील राजकीय वारसा हक्काची चर्चा पुन्हा एकदा सुरू झाली आहे. 'गोपीनाथराव मुंडेंचे तुम्ही वारसदार, हे काम तुम्ही घ्या,' असे आवाहन छगन भुजबळ यांनी केले. यानंतर करुणा मुंडे यांनी धनंजय मुंडे हेच खरे वारसदार असल्याचं म्हटलं, तर पंकजा यांचे मामा प्रकाश महाजन यांनी भुजबळांवर जोरदार टीका केली. ‘बऱ्याच दिवसांनी एकत्र आलेल्या मुंडे बहीण-भावात मिठाचा खडा टाकू नये’, असे आवाहन महाजन यांनी केले. एकेकाळी कट्टर राजकीय विरोधक असलेले धनंजय आणि पंकजा मुंडे हे मतभेद विसरून एकत्र आले होते. अशा परिस्थितीत भुजबळांच्या या विधानामुळे त्यांच्यात पुन्हा फूट पाडण्याचा प्रयत्न केला जात आहे का, अशी चर्चा राजकीय वर्तुळात सुरू झाली आहे.