MNS Morcha | मनसेचा मराठी भाषेसाठी मोर्चा, परवानगीसाठी पोलिसांकडे अर्ज; अजून परवानगी नाही

मनसेने मराठी भाषेच्या न्यायहक्कासाठी मोर्चा काढण्याचा निर्णय घेतला आहे. मोर्चाच्या परवानगीसाठी पोलिसांकडे अर्ज सादर करण्यात आला असून, मनसे नेते आणि पोलिस अधिकारी यांच्यात बैठक झाली. उच्च न्यायालयाच्या आदेशानुसार आजाद मैदान वगळता इतरत्र मोर्चा किंवा आंदोलनाला मनाई असल्याने, पोलिसांनी न्यायालयाच्या अटींचे पालन करण्याचे निर्देश दिले आहेत. मोर्चाची तारीख ठरली असली तरी वेळ आणि नेमके ठिकाण अद्याप निश्चित नाही. विधिमंडळ अधिवेशनादरम्यान मोर्चा असल्याने वरिष्ठ स्तरावर चर्चा होणार आहे. नितीन सरदेसाई यांनी 'परवानगी योग्य वेळी मिळेल आणि मोर्चा भव्य दिव्य आणि विराट असेल' अशी प्रतिक्रिया दिली आहे.