Voter List Cleanup : 'दुबार मतदारांपुढे Double Star लावा, प्रतिज्ञापत्र घ्या'- Dinesh Waghmare

स्थानिक स्वराज्य संस्थांच्या निवडणुकांमध्ये (Local Body Elections) होणारे दुबार मतदान (Duplicate Voting) रोखण्यासाठी राज्य निवडणूक आयोगाने (State Election Commission) कठोर पावले उचलली आहेत, अशी माहिती आयुक्त दिनेश वाघमारे (Dinesh Waghmare) यांनी दिली. 'संभाव्य दुबार मतदारांच्या नावापुढे दुहेरी तारांकित चिन्ह म्हणजेच डबल स्टार (Double Star) असतील आणि त्यांच्याकडून प्रतिज्ञापत्र भरून घेतले जाईल,' असे वाघमारे यांनी स्पष्ट केले. आयोगाने यासाठी एक विशेष प्रणाली (System Tool) विकसित केली असून, यादीत ज्या मतदारांचे नाव एकापेक्षा जास्त वेळा आढळेल, त्यांच्या नावापुढे 'डबल स्टार' चिन्ह दिसेल. अशा मतदाराला मतदान केंद्रावर आल्यानंतर, त्याने इतर कोणत्याही ठिकाणी मतदान केले नाही आणि करणार नाही, असे प्रतिज्ञापत्र (Declaration) द्यावे लागेल. या नव्या नियमामुळे निवडणूक प्रक्रियेत अधिक पारदर्शकता येऊन एकाच व्यक्तीला अनेक ठिकाणी मतदान करण्यापासून रोखता येईल, असा विश्वास आयोगाने व्यक्त केला आहे.