Congress Meeting : मुंबई काँग्रेसची बैठक, निवडणुकांसाठी मॅरेथॉन बैठका

स्थानिक स्वराज्य संस्थांच्या निवडणुकीच्या पार्श्वभूमीवर राजकीय घडामोडींना वेग आला असून, मुख्यमंत्री देवेंद्र फडणवीस (Devendra Fadnavis), काँग्रेसचे महाराष्ट्र प्रभारी रमेश चेन्नीथला (Ramesh Chennithala) आणि मनसे अध्यक्ष राज ठाकरे (Raj Thackeray) यांनी महत्त्वाच्या बैठकांचे आयोजन केले आहे. 'युती नको ही भाजप कार्यकर्त्यांची इच्छा मुख्यमंत्री फडणवीस पूर्ण करतील का?' याकडे सर्वांचे लक्ष लागले आहे. अमरावतीत होणाऱ्या भाजपच्या बैठकीत पश्चिम विदर्भाचा आढावा घेतला जाणार असून, युती करण्यावरून पक्षात मतभेद असल्याचे दिसून येत आहे. दुसरीकडे, मुंबईत काँग्रेसच्या बैठकीत महानगरपालिका निवडणुका स्वबळावर लढवायच्या की आघाडीमध्ये, यावर चर्चा होणार आहे. त्याचबरोबर, मनसे अध्यक्ष राज ठाकरे यांनीही 'शिवतीर्थ'वर पक्षाचे नेते आणि प्रवक्त्यांची बैठक बोलावली असून, आगामी निवडणुकीतील पक्षाची भूमिका, विशेषतः उद्धव ठाकरे यांच्यासोबतच्या युतीच्या शक्यतेवर चर्चा होण्याची शक्यता आहे.