Laxman Hake Viral Video | ओबीसींमध्ये फूट पाडण्याचा डाव, लक्ष्मण हाकेंचा दावा

ओबीसी नेते लक्ष्मण हाके यांच्या एका व्हायरल व्हिडिओमुळे राजकीय वर्तुळात पुन्हा एकदा चर्चा सुरू झाली आहे. या व्हिडिओमध्ये ओबीसी समाजाचे नेतृत्व माळी समाजाकडून धनगर समाजाकडे गेल्याने माळी समाजाच्या पोटात दुखत असल्याचा उल्लेख करण्यात आला होता. या व्हिडिओतील वक्तव्यावरून सोशल मीडियावर चर्चा सुरू झाल्यानंतर लक्ष्मण हाके यांनी यावर स्पष्टीकरण दिले आहे. व्हायरल होत असलेला व्हिडिओ फेक असून, ओबीसी चळवळीत फूट पाडण्याचा हा कुटील डाव असल्याचे लक्ष्मण हाके यांनी म्हटले आहे. "हा जो व्हिडिओ व्हायरल होतंय हे कुटील डाव माझ्या बाबतीमध्ये हारात चालला गेलेला आहे। ओबीसींमध्ये दुःखळी निर्माण करायची, दोन प्रमुख जातींमध्ये भांडण लावून द्यायची। लक्ष्मण हाके जास्त बोलतोय काही त्याला डॅमेज करण्याचा हा उद्योग आहे," असे हाके यांनी म्हटले आहे. त्यांनी ओबीसी बांधवांना अशा गोष्टींना बळी न पडण्याचे आवाहन केले आहे. आपली लढाई खूप मोठी असून, असे फूट पाडण्याचे डाव यशस्वी होणार नाहीत, असेही त्यांनी स्पष्ट केले. यामुळे गावगाड्यातील ओबीसी निश्चित एकत्रित येतील असा विश्वास त्यांनी व्यक्त केला.