Ladki Bahin KYC Update: 'पुढील दोन महिन्यांत E-KYC करा', मंत्री Aditi Tatkare यांचे लाभार्थ्यांना आवाहन

राज्यातील 'मुख्यमंत्री माझी लाडकी बहीण' योजनेच्या सप्टेंबर महिन्याचा हप्ता वितरीत करण्यास सुरुवात झाली आहे, अशी माहिती महिला व बालविकास मंत्री अदिती तटकरे यांनी दिली आहे. 'लवकरच योजनेतल्या सर्व पात्र लाभार्थ्यांच्या आधार संलग्नित बँक खात्यामध्ये सन्मान निधी वितरीत होणार आहे,' असे तटकरे यांनी सांगितले. त्यांनी असेही जाहीर केले की सर्व लाभार्थ्यांनी पुढील दोन महिन्यांत त्यांची ई-केवायसी प्रक्रिया पूर्ण करणे आवश्यक आहे. ही प्रक्रिया योजनेच्या अधिकृत वेबसाईटवर उपलब्ध करून देण्यात आली आहे. ई-केवायसी पूर्ण केल्याने लाभ थेट आणि कोणत्याही अडथळ्याविना लाभार्थ्यांपर्यंत पोहोचण्यास मदत होईल. सरकारने यापूर्वी योजनेतील अनेक अपात्र लाभार्थी शोधून काढले होते, त्यामुळे ही प्रक्रिया पारदर्शकतेसाठी महत्त्वाची आहे.