Delhi Terror Module Busted | 5 संशयित दहशतवादी अटक, 'मोठ्या कटा'चा भाग असल्याचा पोलिसांना संशय

राजधानी दिल्लीमध्ये पाच संशयित दहशतवाद्यांना अटक करण्यात आली आहे. दिल्ली पोलिसांनी आफताब आणि सुफियान या दोघांना दिल्लीतून अटक केली. दानिश नावाच्या व्यक्तीला झारखंडमधील रांचीमधून ताब्यात घेण्यात आले. तसेच, एका संशयिताला मध्य प्रदेशमधून आणि एकाला हैदराबादमधून अटक करण्यात आली आहे. अटक करण्यात आलेल्या आफताब हा कल्याणच्या नेवाळे फाट्याचा रहिवासी आहे, तर सुफियान मुंब्र्याच्या कौसा येथे राहत होता. स्पेशल सेलनं आफताब आणि सुफियान यांच्या घरावर छापा टाकला. या छाप्यात काही हत्यारं आणि स्फोटकं जप्त करण्यात आली आहेत. अटक करण्यात आलेले हे पाचही आरोपी एका मोठ्या कटाचा भाग असल्याचा पोलिसांना संशय आहे. या प्रकरणी पुढील तपास सुरू आहे.