Congress Presidential Elections : कोण होणार काँग्रेसचे नवे अध्यक्ष? देशभरात मतदानाला सुरूवात ABP Majha

काँग्रेसच्या अध्यक्षपद निवडणुकीसाठी आज मतदान सुरु झालंय.. अध्यक्षपदासाठी मल्लिकार्जुन खर्गे आणि शशी थरुर यांच्यात लढत होतेय. तब्बस 24 वर्षांनंतर काँग्रेसला गांधी घराण्याबाहेरील अध्यक्ष मिळणार आहे.. काँग्रेसच्या जवळपास 137 वर्षांच्या इतिहासात सहाव्यांदा पक्षाध्यक्षपदासाठी निवडणूक लढवली जातेय. देशभरातील नऊ हजारपेक्षा अधिक प्रदेश काँग्रेस समित्यांचे प्रतिनिधी गुप्त मतदान पद्धतीद्वारे पक्षाध्यक्षाची निवड करणार आहेत. अखिल भारतीय काँग्रेस समितीच्या नवी दिल्लीतील मुख्यालयात आणि देशभरातील 65 मतदान केंद्रांवर मतदान होणार आहे. या निवडणुकीचा निकाल बुधवारी जाहीर होईल.