Thackeray vs Thackeray: 'राज ठाकरेंना पक्षप्रमुख करा आणि भाऊबंदकी मिटवा'- नवनाथ बन

ठाकरे गटाचे खासदार संजय राऊत (Sanjay Raut) आणि भाजपचे (BJP) माध्यम प्रमुख नवनाथ बन (Navnath Ban) यांच्यात राजकीय कलगीतुरा रंगला आहे. एकनाथ शिंदे (Eknath Shinde) यांना मराठी वाचता येतं, त्यांनी 'भाऊबंद की' नाटकाचे लेखक कोण हे सांगावं, असा टोला राऊत यांनी लगावला. यावर, 'संजय राऊत यांना भाऊबंदकी मिटवायचीच असेल, तर त्यांनी राज ठाकरे (Raj Thackeray) यांच्याकडे शिवसेनेचं पक्षप्रमुखपद द्यावं आणि ही भाऊबंदकी कायमची मिटवून टाकावी,' असे थेट आव्हान नवनाथ बन यांनी दिले आहे. कृष्णाजी प्रभाकर खाडिलकर यांच्या 'भाऊबंद की' या नाटकाच्या उल्लेखावरून हा वाद सुरू झाला आहे. सुमारे वीस वर्षांनंतर मनसे (MNS) नेते शिवसेना भवनात गेल्याच्या पार्श्वभूमीवर या राजकीय चर्चांना उधाण आले आहे.