Bihar Elections 2025: 'समान जागा लढणार', BJP-JDU मध्ये 101-101 चा फॉर्म्युला निश्चित

बिहार विधानसभा निवडणुकीसाठी (Bihar Assembly Elections) एनडीएचं (NDA) जागावाटप निश्चित झालं आहे, भाजप नेते विनोद तावडे (Vinod Tawde) आणि धर्मेंद्र प्रधान (Dharmendra Pradhan) यांनी ही घोषणा केली. 'शंभर एक जागा नीतीश कुमार (Nitish Kumar) आणि भारतीय जनता पक्ष लढवणार आहेत,' अशी माहिती या घोषणेतून समोर आली आहे. या सूत्रानुसार, भाजप (BJP) आणि नीतीश कुमार यांची जेडीयू (JDU) प्रत्येकी १०१ जागा लढवणार आहेत. तर, चिराग पासवान (Chirag Paswan) यांच्या लोकजनशक्ती पार्टीला (रामविलास) २९, उपेंद्र कुशवाह (Upendra Kushwaha) यांच्या राष्ट्रीय लोक मोर्चाला (RLM) ६ आणि जीतन राम मांझी (Jitan Ram Manjhi) यांच्या हिंदुस्तानी आवाम मोर्चाला (HAM) ६ जागा देण्यात आल्या आहेत. दरम्यान, उमेदवारांची नावं निश्चित करण्यासाठी दिल्लीत भाजपच्या केंद्रीय निवडणूक समितीची बैठक सुरू असून, त्यासाठी महाराष्ट्राचे मुख्यमंत्री देवेंद्र फडणवीस (Devendra Fadnavis) देखील उपस्थित आहेत.