मालवण रॉक गार्डनमध्ये अनोखा नजारा, खडकांवर लाटा धडकल्याने पांढरा शुभ्र फेस, जणू कापसाची चादर

राज्यात सक्रिय झालेला मान्सून मुळे कोकण किनारपट्टी भागात मुसळधार पाऊस कोसळत आहे. समुद्र खवळून निघाला, जोरदार लाटा किनारपट्टीवर धडकत आहेत. सिंधुदुर्ग जिल्ह्यातील मालवण रॉक गार्डन येथील किनारपट्टी भागात पोलीस वसाहतीच्या मागे निसर्गाचा अनोखा नजरा दिसून येत आहे. रॉक गार्डनच्या खडकात जोरदार लाटा धडकत असल्याने निर्माण झालेल्या फेसाळ पाण्याने जणू बर्फ पडावा अथवा कापूस पिंजावा अशी मखमली चादर किनाऱ्यावर पसरली आहे.