Ashish Shelar : भाजपा आणि राष्ट्रवादी काँग्रेस यांच्यामध्ये 2017 मध्येच युतीचं ठरलं होतं : ABP Majha

गेल्या दोन ते अडीच वर्षांपासून राज्यात सर्वाधिक राजकीय चर्चा झाली असेल तर ती शिवसेना आणि भाजपाच्या तुटलेल्या युतीची आणि शिवसेना-काँग्रेस आणि राष्ट्रवादी काँग्रेसच्या अनैसर्गिक वाटणाऱ्या अशा आघाडीची. मात्र, भाजपा आणि राष्ट्रवादी काँग्रेस यांच्यामध्ये २०१७मध्येच युतीसंदर्भात चर्चा झाली होती, असा खळबळजनक गौप्यस्फोट आशिष शेलार यांनी केला आहे. दैनिक लोकसत्तातर्फे आयोजित दृष्टी आणि कोन कार्यक्रमात बोलताना आशिष शेलार यांनी २०१७ साली घडलेल्या घडामोडींविषयी सविस्तर माहिती दिली. २०१७मध्ये राष्ट्रवादी काँग्रेसनं युती करायला नकार दिल्याचं आशिष शेलार यावेळी म्हणाले.