IND vs SL 1st Test DAY-2 : पडिक्कलच्या शतकाने भारताचा डाव सावरला, पण शेवटी श्रीलंकेचा पलटवार; 460/9 वर दुसऱ्या दिवसाचा खेळ संपला!
Sri Lanka vs India 1st Test DAY-2 Highlights Update : भारत आणि श्रीलंका यांच्यात गॉलमध्ये सुरू असलेल्या पहिल्या कसोटी सामन्याचा आज दुसरा दिवस आहे.
LIVE
Background
IND vs SL 1st Test DAY-2 Live Scorecard Update : भारत आणि श्रीलंका यांच्यात गॉलमध्ये सुरू असलेल्या पहिल्या कसोटी सामन्याचा आज दुसरा दिवस आहे. सामन्याच्या पहिल्या दिवशी टीम इंडियाने दमदार फलंदाजी करत श्रीलंकेवर दबाव निर्माण केला. कर्णधार शुभमन गिलने टॉस जिंकून प्रथम फलंदाजी करण्याचा निर्णय घेतला आणि भारतीय फलंदाजांनी त्याला योग्य ठरवलं.
पहिल्या दिवसाचा खेळ संपला तेव्हा भारताने 73 षटकांत 2 बाद 288 धावा केल्या होत्या. देवदत्त पडिक्कलने शानदार शतक ठोकत कसोटी कारकिर्दीतील पहिलं शतक साजरं केलं. तो 131 धावांवर नाबाद परतला. आता दुसऱ्या दिवशी पडिक्कलसोबत ऋषभ पंत भारतीय डाव पुढे नेणार आहे.
भारताकडून यशस्वी जैस्वाल 32 धावांवर, तर कर्णधार शुभमन गिल 16 धावांवर बाद झाला. त्यानंतर केएल राहुलने दमदार 77 धावांची खेळी करत पडिक्कलसोबत महत्त्वाची भागीदारी रचली. मात्र, शतकाच्या दिशेने वाटचाल सुरू असतानाच राहुलला दुखापतीमुळे रिटायर्ड हर्ट व्हावं लागलं.
IND vs SL 1st Test DAY-2 : पडिक्कलच्या शतकाने भारताचा डाव सावरला, पण शेवटी श्रीलंकेचा पलटवार; 460/9 वर दुसऱ्या दिवसाचा खेळ संपला!
भारत आणि श्रीलंका यांच्यातील पहिल्या कसोटी सामन्याच्या दुसऱ्या दिवसाचा खेळ पावसामुळे मोठ्या प्रमाणात विस्कळीत झाला.
पावसाने वारंवार हजेरी लावल्याने दिवसातील सुरुवातीचे जवळपास दीड सत्र वाया गेले.
त्यामुळे पूर्ण दिवसात केवळ 43 षटकांचाच खेळ होऊ शकला.
या 43 षटकांत भारताने 172 धावांची भर घातली आणि दिवसअखेर 460 धावांवर 9 विकेट गमावल्या.
IND vs SL 1st Test DAY-2 Live : अर्धशतकानंतर पुढच्याच षटकात ध्रुव जुरेल OUT
51 धावांवर ध्रुव जुरेलची खेळी संपली. प्रभात जयसूर्याचा चेंडू मिडल-लेगवर पडून बाहेरच्या दिशेने वळला.
जुरेलनं बचाव करण्याचा प्रयत्न केला, मात्र बॅटची कड लागून चेंडू स्लिपच्या दिशेने गेला.
स्लिपमधील क्षेत्ररक्षकानं हवेत झेपावत एका हातानं अप्रतिम झेल घेतला. भारताचा सातवा विकेट 432 धावांवर पडला.
मोहम्मद सिराज नवा फलंदाज म्हणून मैदानात आला आहे.
महत्त्वाच्या बातम्या
