Shani Nakshatra Parivartan 2026 : शनिचं नक्षत्र परिवर्तन परिवर्तन अवघ्या काही दिवसांवर...12 पैकी 3 राशींना धोक्याचे संकेत, दिवसेंदिवस टेन्शन वाढणार

Shani Nakshatra Parivartan 2026 : पंचांगानुसार, 20 ऑगस्ट रोजी शनि देव आपल्या स्थितीत बदल करणार आहे. या दिवशी शनिचं नक्षत्र परिवर्तन होणार आहे. शनि देव रेवती नक्षत्राच्या प्रथम चरणात प्रवेश करणार आहे.

Shani Nakshatra Parivartan 2026

Source : ABP WEB TEAM

Shani Nakshatra Parivartan 2026 : वैदिक ज्योतिष शास्त्रानुसार, कर्मफळदाता आणि न्यायदेवता शनिदेवाच्या (Shani Dev) चालीला विशेष महत्त्व देण्यात आलं आहे. ग्रह -नक्षत्रांच्या चालीचा, परिवर्तनाचा परिणाम जगभरात पाहायला मिळतो. तसेच, सर्व 12 राशींवर देखील पाहायला मिळतो. पंचांगानुसार, 20 ऑगस्ट 2026 रोजी शनि देव आपल्या स्थितीत बदल करणार आहे. या दिवशी शनिचं नक्षत्र परिवर्तन होणार आहे. या दिवशी शनि देव बुध ग्रहाचा अधिपत्य असलेल्या रेवती नक्षत्राच्या प्रथम चरणात प्रवेश करणार आहे. या स्थितीत शनि 9 ऑक्टोबर 2026 पर्यंत विराजमान असणार आहे. 

शनिच्या या नक्षत्र परिवर्तनाचा प्रभाव सर्व 12 राशींवर होणार आहे. काहींसाठी हा काळ फार लाभदायी असेल तर काहींसाठी हा काळ आव्हानात्मक असणार आहे. ज्योतिष शास्त्रानुसार, शनिच्या रेवती नक्षत्रात प्रवेश केल्याने तीन राशींसाठी हा काळ फार आव्हानात्मक ठरणार आहे. या राशींनी सावध राहण्याची गरज आहे. या राशी कोणत्या ते जाणून घेऊयात. 

मेष रास (Aries Horoscope)

मेष राशीसाठी हे नक्षत्र परिवर्तन फार कठीण ठरणार आहे. या काळात तुम्हाला तुमच्या कामावर जास्त मेहनत घ्यावी लागेल. आर्थिक बाबतीत निर्णय घेताना तुम्हाला सावध राहण्याची गरज आहे. अचानक तुमच्या खर्चात वाढ होऊ शकते. घरात मानसिक तणाव जाणवू शकतो. त्यामुळे कोणतंही काम करताना धैर्याने करा. 

कर्क रास (Cancer Horoscope)

कर्क राशीच्या लोकांसाठी 20 ऑगस्ट नंतरचा काळ थोडासा संघर्षाचा असू शकतो. या काळात तुम्हाला बिझनेस किंवा नोकरीत मानसिक तणाव जाणवेल. सहकाऱ्यांबरोबर विनाकारण वादविवाद वाढतील. पैशांच्या बाबतीत तुम्हाला पारदर्शक राहणं फार गरजेचं आहे. तसेच, आरोग्याच्या बाबतीत देखील तुम्हाला सावध राहण्याची गरज आहे. योग आणि ध्यान करणं गरजेचं आहे. 

वृश्चिक रास (Scorpio Horoscope)

वृश्चिक राशीच्या लोकांना शनिच्या नक्षत्र परिवर्तनानंतर सावध राहण्याची तसेच, विचारपूर्वक निर्णय घेण्याची गरज आहे. या काळात विरोधक तुम्हाला नुकसान पोहोचवू शकतात. त्यामुळे शत्रूंपासून सावध राहा. कोर्ट-कचेरीच्या बाबतीत सावध निर्णय घ्या. आर्थिक नुकसान होण्याची शक्यता आहे. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

इतर महत्त्वाच्या बातम्या :