Akola Municipal Corporation : अकोला महापालिकेत पाण्यासाठी भांडी वाजवा आंदोलन ABP Majha

अकोला महापालिकेत आज पाण्यासाठी भांडी वाजवा आंदोलन करण्यात आलंय. शहरातील प्रभाग क्रमांक आठमधील लहरियानगर आणि नागेवाडी परिसरातील लोकांनी हे आंदोलन केलंय. या भागात महापालिकेची पाणीपुरवठा योजना आलेली नाहीय. शिवाय येथे एकमेव शासकीय हातपंप असल्याने नागरिकांचे पाण्यासाठी मोठे हाल होत असल्याचा आरोप नागरिकांनी केलाय. यासोबतच रस्ते आणि सांडपाण्याचाही प्रश्न मनपा सोडत नसल्याने नागरिकांनी आज याविरोधात आंदोलन केलंय. यावेळी महापालिकेचा निषेध म्हणून नागरिकांनी रिकामे हंडे वाजवित महापालिकेचा परिसर दणाणून सोडलाय.