Maharashtra Politics: Ajit Pawar यांची Maharashtra Olympic Association वर अध्यक्षपदी बिनविरोध निवड

महाराष्ट्र ऑलिम्पिक असोसिएशनच्या अध्यक्षपदी उपमुख्यमंत्री अजित पवार यांची बिनविरोध निवड झाली आहे, तर केंद्रीय मंत्री मुरलीधर मोहोळ यांची वरिष्ठ उपाध्यक्षपदी वर्णी लागली आहे. निवडणुकीपूर्वी दोन्ही नेत्यांमध्ये संघर्ष निर्माण झाला होता, मात्र सामंजस्याने तोडगा काढण्यात आला. "ऑलिम्पिक असोसिएशनच्या कार्यकारिणीसंदर्भात मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यासोबत चर्चा करून निर्णय घेतला जाईल," अशी माहिती अजित पवार यांनी दिली आहे. मुरलीधर मोहोळ यांच्या पॅनलने अर्ज मागे घेतल्याने अजित पवार यांची सलग चौथ्यांदा अध्यक्षपदी निवड होण्याचा मार्ग मोकळा झाला. या तडजोडीनुसार असोसिएशनमधील काही प्रमुख पदे मोहोळ समर्थक गटाला देण्यात येणार असल्याचे समजते.