Amol Mitkari: अमोल मिटकरी, रुपाली ठोंबरेंना वाचाळपणा भोवला, पदावरुन पायउतार केल्याची चर्चा

उपमुख्यमंत्री अजित पवार (Ajit Pawar) यांनी पक्षातील दोन प्रमुख नेत्यांना मोठा धक्का दिला आहे. आमदार अमोल मिटकरी (Amol Mitkari) आणि रुपाली पाटील ठोंबरे (Rupali Patil Thombre) यांना प्रवक्तेपदावरून हटवण्यात आले आहे. दुसरीकडे, काँग्रेस (Congress) आणि मनसे (MNS) यांच्या नाशिकमधील (Nashik) संभाव्य आघाडीवरून संभ्रम निर्माण झाला आहे. काँग्रेस प्रवक्ते सचिन सावंत (Sachin Sawant) यांनी स्पष्ट केले आहे की, 'स्थानिक पातळीवरती फक्त इंडिया आघाडीच्या सदस्यांबरोबरच चर्चा करावी हेही निर्देश देण्यात आलेले आहेत'. वारंवार पक्षविरोधी भूमिका घेतल्याने रुपाली पाटील ठोंबरे यांना पदावरून दूर केल्याची चर्चा आहे, तर भाजपवर टीका करणारे अमोल मिटकरी यांनाही नारळ देण्यात आला आहे. विशेष म्हणजे, मारहाण प्रकरणामुळे पद गमावलेल्या सुरज चव्हाण (Suraj Chavan) यांना पुन्हा प्रवक्तेपदी संधी देण्यात आली आहे. नाशिकमधील आघाडीच्या वृत्तावर बोलताना सचिन सावंत यांनी म्हटले की, स्थानिक नेत्यांना इंडिया आघाडीबाहेरील कोणत्याही पक्षाशी आघाडी करण्याचा अधिकार नाही आणि प्रदेश काँग्रेसच याबाबत अंतिम निर्णय घेईल.