Drone Surveillance: 'कोणता सर्व्हे घरात डोकावण्याची परवानगी देतो?', आदित्य ठाकरेंचा MMRDA ला सवाल

मातोश्रीबाहेर (Matoshree) ड्रोन घिरट्या घालताना दिसल्याने खळबळ उडाली असून, शिवसेना (UBT) नेते आदित्य ठाकरे (Aaditya Thackeray) यांनी यावरून सरकार आणि प्रशासनावर टीकेची झोड उठवली आहे. 'कोणता सर्व्हे घरात डोकावण्याची आणि दिसताच लगेच पळून जाण्याची परवानगी देतो?' असा थेट सवाल आदित्य ठाकरे यांनी उपस्थित केला आहे. मुंबई पोलिसांनी (Mumbai Police) स्पष्ट केले की, हा ड्रोन MMRDA च्या पॉड टॅक्सी (Pod Taxi) प्रकल्पाच्या सर्वेक्षणाचा भाग होता आणि त्यासाठी रीतसर परवानगी घेण्यात आली होती. मात्र, 'हाय सिक्युरिटी झोन'मध्ये (High Security Zone) रहिवाशांना पूर्वकल्पना का दिली नाही, असे प्रश्न विचारत आदित्य ठाकरे यांनी या सर्वेक्षणाच्या हेतूवरच शंका उपस्थित केली आहे. या प्रकरणामुळे आता नागरिकांची गोपनीयता आणि अधिकृत सर्वेक्षणाची पारदर्शकता यावर नवीन वाद सुरू झाला आहे.