Digital News Portal, OTT | डिजिटल न्यूज पोर्टल, ओटीटी प्लॅटफॉर्मच्या कंटेन्टवर केंद्र सरकारचा अंकुश!

नेटफ्लिक्स, अमेझॉन प्राईम, हॉटस्टार यासारख्या ओटीटी प्लॅटफॉर्मला ग्राहकांची पसंती वाढत चालली आहे. कोरोनाच्या काळात तर अनेक चित्रपट याच प्लॅटफॉर्मवर प्रदर्शित झाले. परंतु या प्लटफॉर्मवर प्रदर्शित होणाऱ्या कंटेन्टवर कोणताच अंकुश नसल्याची तक्रार वारंवार येत होती. याची दखल आता केंद्र सरकारने घेतली आहे. केंद्र सरकारने याबाबत एक परिपत्रक काढले असून या नियमानुसार ओटीटी प्लॅटफॉर्मवर आता केंद्राच्या माहिती आणि प्रसारण खात्याची नजर असणार आहे. ऑडिओ, व्हिडीओ यासोबतच चालू घडामोडीवर भाष्य करणाऱ्या आणि बातम्या देणाऱ्या डिजिटल चॅनेल्सवरही आता केंद्र सरकारच्या कक्षेत येणार आहेत.