नवी दिल्ली : कलबुर्गींच्या हत्येच्या तपासाबाबत सुप्रीम कोर्टाची नोटीस

ज्येष्ठ विचारवंत एम. एम. कलबुर्गी यांच्या हत्येच्या तपासाबाबत सर्वोच्च न्यायालयाने एनआयए, सीबीआय, महाराष्ट्र आणि कर्नाटक सरकारला नोटीस बजावली आहे. कलबुर्गी यांच्या पत्नी उमादेवी यांनी सर्वोच्च न्यायालयात याचिका दाखल करत, हत्येचा तपास उच्च न्यायालयाच्या माजी न्यायाधीशांच्या अध्यक्षतेखाली विशेष तपास पथकाव्दारे करण्याची मागणी केली आहे.  यावरील सुनावणी दरम्यान सर्वोच्च न्यायालयाने सीबीआय, एनआयए, महाराष्ट्र आणि कर्नाटक सरकारला नोटीस बजावली आहे.