Vaishvani Hagawane Case : लग्नाचे फेरे आणि दुर्दैवाचा फेरा, वैष्णवी मृत्यू प्रकरणात धक्कादायक खुलासे Special Report

पुण्यातील वैष्णवी हगवणे आत्महत्या प्रकरणात रोज नवनवी आणि धक्कादायक माहिती समोर येतेय. वैष्णवी आणि शशांक हगवणे यांचा विवाह दोन वर्षांपूर्वी झाला खरा, पण या विवाहाआधी कस्पटे कुटुंबीयांना हगवणेंची पार्श्वभूमी माहित पडली होती. पण तरीही दबावातून हे लग्न पार पडल्याचं समोर आलंय. वैष्णवीच्या घरची परिस्थिती, तिच्या वडिलांचं वैभव, कोट्यवधींची प्रॉपर्टी या सगळ्यावर हगवणेंचा डोळा होता. त्याच हव्यासातून हगवणेंनी वैष्णवीच्या वडिलांवर दबाव आणला.... काय आहे हे नेमकं प्रकरण? अटकेत असलेल्या हगवणे कुटुंबाच्या चौकशीतून काय काय समोर आलंय? जाणून घेऊयात या स्पेशल रिपोर्टमधून...

 

 

((वैष्णवी-शशांकच्या लग्नाचे व्हिज्युअल्स...))

हे लग्न होतं

की फक्त बडेजाव?

वैष्णवी हगवणे आत्महत्या प्रकरण समोर आलं

कस्पटे आणि हगवणे कुटुंबातला हा लग्नसोहळा

अवघ्या महाराष्ट्रात चर्चेचा विषय ठरला...

वैष्णवी हगवणेच्या वडिलांनी या लग्नात

तब्बल दीड कोटी रुपये खर्च केले...

पण हा खर्च करण्यासाठी त्यांच्यावर दबाव टाकण्यात आला होता का?

पीटीसी - प्रतिनिधी
((राष्ट्रवादीचा पदाधिकारी असलेल्या राजेंद्र हगवणेचा मुलगा शशांक आणि वैष्णवी कस्पटेचं दोन वर्षांपूर्वी लग्न झालं. या लग्नात कस्पटेंनी ५१ तोळे सोनं, चांदी अशी लाखो रुपयांची उधळण केली. पण आता लग्नातले सगळे बारीकसारीक खर्चही हगवणे कुटुंबानं त्यांनाच करायला लावल्याची धक्कादायक माहिती समोर आली आहे.))

हगवणे कुटुंबाकडून वैष्णवी आणि शशांकच्या लग्नात....

((ग्राफिक्स इन))

हगवणेंचा दबाव, कस्पटेंचा खर्च
------------------------------------

- दहा लाख रुपये भाडं असलेलं आलिशान रिसॉर्ट बुक करायला लावलं

- लग्नाच्या स्टेजच्या सजावटीवर बावीस लाख रुपये खर्च करायला लावले.

- पाच हजार जणांना लग्नासाठी आमंत्रण देण्यात आलं

- एका व्यक्तीच्या जेवणासाठी एक हजार याप्रमाणे पन्नास लाख जेवणावर खर्च करायला लावला

- पाहुण्यांचे सत्कार, स्वागत आणि कपड्यांवर खर्च करायला लावला

- लग्नाचं कंत्राट इव्हेन्ट मॅनेजमेंट कंपनीला द्यायला लावलं

- लाखो रुपयांचं बिल वैष्णवीच्या वडिलांना भरायला लावलं

((ग्राफिक्स आऊट))

अशाप्रकारे वैष्णवी आणि शशांकच्या लग्नात

एका दिवसासाठी तब्बल दीड कोटी रुपये खर्च करण्यात आला...

हगवणेंच्या मागणीवरुन वैष्णवीच्या वडिलांनी केलेला हा खर्च...

म्हणजे हुंड्याचा एक अमानुष प्रकार असल्याची चर्चा सुरु झालीये...

((व्हिज्युअल्स....))

वैष्णवी हगवणे आत्महत्या प्रकरणात

अख्खं हगवणे कुटुंब सध्या गजाआड आहे...

चौकशी सुरु आहे आणि चौकशीतून आणखी धक्कादायक माहिती समोर येतेय...

पीटीसी - प्रतिनिधी
((वैष्णवीचं लग्न ठरलं तेव्हा कस्पटे कुटुंबानं हगवणेंची पार्श्वभूमी तपसली. त्याच वेळी कस्पटेंना हगवणेंच खरं रुप समजलं होतं. म्हणून त्यांनी वैष्णवीचं लग्न दुसरीकडे जुळवण्याचे प्रयत्न केला. पण शशांकनं वैष्णवीला पाहायला आलेल्या दोघांना फोन करुन थेट धमकी दिली.))

((ग्राफिक्स इन))

कस्पटेंचं वैभव
------------------------------

कस्पटे कुटुंबीय मूळचे पुण्याच्या वाकडचे

वाकडमध्ये असताना कस्पटे कुटुंबीय बागायतदार शेतकरी होते

कस्पटे कुटुंबाची वडिलोपार्जित मोठ्या प्रमाणावर जमीन आहे

आयटी हब असलेल्या हिंजवडीला लागून असलेल्या वाकडमधील त्यांच्या जमिनिंना मोठी किंमत आली

वैष्णवीचे वडील अनिल कस्पटे आणि त्यांच्या दोन भावांनी आलिशान बंगले उभे केले

उर्वरित जमिनीत भागीदारी करुन सोसायट्या उभारल्या

कस्पटेंनी काही जमिनी भाडेतत्त्वावर दिल्या

अनिल कस्पटेंचं या सगळ्यातून येणारं उत्पन्न लाखोंच्या घरात आहे

((ग्राफिक्स आऊट))

कस्पटेंच्या प्रॉपर्टीकडे पाहून

त्यांच्याकडून मिळणारा फायदा लक्षात घेता

हगवणेंनी राजकीय बळाचा वापर करुन त्यांना जाळ्यात अडकवलं....

पीटीसी - प्रतिनिधी
((शशांक आणि वैष्णवीच्या लग्नातला झगमगाट, राजकीय पुढाऱ्यांची उठबस हे सगळं पाहून अनेकांचे डोळे दिपले. पण दोन वर्षात हगवणेंचं खरं रुप समोर आलं आणि या लग्नामागची खरी कहाणी महाराष्ट्राला कळली))

या हगवणे कुटुंबाचा माज किती होता

याचाही एक व्हिडीओ व्हायरल होतोय... तोही पाहा...

सुशील हगवणेचा जुना व्हिडीओ
(("माझ्या बापाच्या जीवावर हवा करतोय"))

हगवणेंची हव्यासी प्रवृत्ती

वैष्णवीच्या जीवावर उठली....

तिच्या आत्महत्येनंतर सहा दिवस

तिच्या अवघ्या नऊ महिन्यांच्या बाळाचीही फरफट झाली...

आता या प्रकरणात हगवणे कुटुंबाला कठोरात कठोर शिक्षा ही व्हायलाच हवी

पण केवळ बडेजाव आणि दबावापोटी

अनिल कस्पटेंनी उचलेलं पाऊल,

कोट्यवधींचा केलेला खर्च...

भरभरुन दिलेला हुंडा...

हे प्रकार या महाराष्ट्रात पुन्हा कुठल्याही बापानं करायला नकोत हीच अपेक्षा

मंदार गोंजारी, एबीपी माझा, पुणे