Google Maps : अनेकांना मार्ग दाखवणारा गुगल मॅप सर्वात आधी या शहरात वापरला गेला; वाचा रंजक इतिहास
Google Maps : आज गुगल मॅपच्या मदतीने इतर अनेक अॅप्सही काम करत आहेत. Ola, Uber पासून Rapido पर्यंत सगळे Google Maps वापरतात.
Google Maps : आजच्या काळात टेक्नॉलॉजीने आपली अनेक कामे सोपी केली आहेत. टेक्नॉलॉजीचा विकास दिवसेंदिवस वेगाने होत चालला आहे. याच माध्यमातून अनेक अॅप्स सादर करण्यात आली आहेत आणि या अॅप्समध्ये अनेक सुधारणा करण्यासाठी अपडेट्स देखील येत राहतात. आपल्यापैकी अनेकांना गुगल मॅपबद्दल (Google Maps) माहित आहे. Google द्वारे गुगल मॅप हे भन्नाट फिचर लाँच करण्यात आले. गुगलमुळे अनेकांचा प्रवास सुकर झाला आहे. Google ने 2005 मध्ये Google Trips सुरू केले. मात्र, गुगलने पहिल्या ट्रिपसाठी कोणते शहर निवडले हे फार कमी लोकांना माहीत आहे.
सहलीसाठी 'हे' शहर निवडलं
तर गुगल ट्रिपने पोर्टलँडला पहिले शहर म्हणून निवडले. डिसेंबर 2005 मध्ये, पोर्टलँड, ओरेगॉन ट्रान्झिट हे Google ट्रिप प्लॅनर वापरणारे पहिले शहर बनले. यामुळे या प्रवाशांना सार्वजनिक वाहतुकीचे वेळापत्रक आणि मार्ग पाहण्यास मदत झाली. Google ट्रिप प्लॅनर एक स्वतंत्र उत्पादन म्हणून सुरू झाले आणि नंतर Google Map मध्ये एकत्रित केले गेले. काही वर्षांतच या सेवेने जगभरातील शहरांमध्ये आपलं स्थान निर्माण केलं.
आज गुगल मॅपच्या मदतीने इतर अनेक अॅप्सही काम करत आहेत. Ola, Uber पासून Rapido पर्यंत सगळे Google Maps वापरतात. आज 5 कोटींहून अधिक वेबसाइट आणि अॅप्स दररोज Google मॅप वापरतात. गुगलने 2005 मध्ये गुगल मॅप्स लाँच केले.
अॅप 2008 मध्ये लाँच झालं
Google Maps वर अनेक वर्ष काम केले गेले आणि नंतर नोव्हेंबर 2007 मध्ये Google ने Google Maps सगळ्यांसाठी सादर केले. गुगल मॅपची सुविधा मोबाईलमध्ये देण्यात आली. आज गुगल मॅपच्या मदतीने अनेक गोष्टी सोयीस्कर झाल्या आहेत. एका ठिकाणाहून दुसऱ्या ठिकाणी जाण्यासाठी गुगल मॅप फार उपयोगी पडतो. गुगल मॅपचे पहिले अँड्रॉइड अॅप 2008 मध्ये लाँच झाले होते आणि त्यानंतर 2012 मध्ये iOS अॅप लाँच करण्यात आले होते. आज तुम्ही गुगल मॅपवर संपूर्ण जगाचे रस्ते आणि मार्ग सहज पाहू शकता. गुगल मॅप तुम्हाला योग्य मार्ग दाखवतो आणि तुमच्या गंतव्यस्थानापर्यंत पोहोचण्यासाठी लागणारा वेळदेखील दाखवतो. यामुळे अनेक गोष्टी सोयीस्कर झाल्या आहेत.
महत्त्वाच्या बातम्या :
महत्त्वाच्या बातम्या
