England Team for T20 WC : टी20 विश्वचषकापूर्वीच इंग्लंड संघाला मोठा धक्का, आघाडीचा खेळाडू स्पर्धेला मुकणार
Jonny Bairstow : इंग्लंड क्रिकेट बोर्डाने नुकतीच टी20 विश्वचषक स्पर्धेसाठी संघाची घोषणा केली आहे. त्यानंतर त्यांचा आघाडीचा खेळाडू स्पर्धेबाहेर झाल्याची माहिती समोर आली आहे.
England Squad for T20 WC 2022 : आगामी आयसीसी टी20 विश्वचषक ऑक्टोबरमध्ये (T20 World Cup 2022) ऑस्ट्रेलिया येथे पार पडणार आहे. त्यापूर्वीच इंग्लंड (England) क्रिकेट बोर्डाने आपल्या संघाची घोषणा केली. पण घोषणा केल्यानंतर काही वेळातच त्यांचा आघाडीचा खेळाडू सलामीवीर यष्टीरक्षक जॉनी बेअरस्टो (Johny bairstow) स्पर्धेबाहेर झाला आहे. इंग्लंड क्रिकेट बोर्डाने याबाबत ट्वीट करत माहिती दिली आहे.
इंग्लंड क्रिकेट बोर्डाने जॉनी बेअरस्टोचा फोटो पोस्ट करत ट्वीटमध्ये लिहिलं आहे की, ''तू अनेकांना प्रेरणा दिली असून सर्वांचं मनोरंजन केलं आहे आणि पुन्हा हे सारं नक्कीच करशील'' तसंच आणखी एका ट्वीटमध्ये जॉनीचा फोटो पोस्ट करत तुम्ही याला थांबवू शकत नाही. तो नक्कीच परत येईल असं लिहिलं आहे.
You've inspired and entertained us so much this summer. And you will again 💪
— England Cricket (@englandcricket) September 2, 2022
Speedy recovery, @JBairstow21 ❤️
दरम्यान यंदाच्या टी20 विश्वचषकासाठी संघाचा कर्णधार म्हणून जोस बटलरकडे (Jos Buttler) जबाबदारी सोपवण्यात आली आहे. विशेष गोष्ट म्हणजे संघाचा आघाडीचा सलामीवीर जेसन रॉय आणि एलेक्स हाल यांच्यासारखे खेळाडू संघात नसून वेगवान गोलंदाज जोफ्रा आर्चर (Jofra Archer) देखील पूर्णपणे दुखापतीतूबन सावरला नसल्याने त्याचं नाव देखील संघात नसल्याचं समोर आलं आहे. त्यानंतर बेअरस्टोही स्पर्धेला मुकणार आहे. इंग्लंडने विश्वचषकासाठी आपला 15 सदस्यीय संघ जाहीर केला आहे. यावेळी दोन वेगवान गोलंदाज आणि दोन फिरकीपटूंचा समावेश संघात केला आहे. यासोबतच दोन अष्टपैलू खेळाडूंचाही संघात समावेश करण्यात आला आहे.
असा आहे इंग्लंडचा T20 विश्वचषक संघ: जोस बटलर (कर्णधार), मोईन अली, जॉनी बेअरस्टो, हॅरी ब्रूक, सॅम करॉन, ख्रिस जॉर्डन, लियाम लिव्हिंगस्टोन, डेव्हिड मलान, आदिल रशीद, फिल सॉल्ट, बेन स्टोक्स, रीस टोपले, डेव्हिड विली , ख्रिस वोक्स, मार्क वुड
महत्त्वाच्या बातम्या
