Vinod Kumar wins Medal: टोकियो पॅरालिम्पिकमध्ये विनोद कुमारचे कांस्यपदक अद्याप पक्कं नाही, निकाल होल्ड वर

Tokyo Paralympics 2020: भारताच्या विनोद कुमारने टोकियो पॅरालिम्पिक 2020 मध्ये चमकदार कामगिरी करताना कांस्यपदक जिंकले. पण आता निकाल रोखण्यात आला आहे.

संग्रहित छायाचित्र

Vinod Kumar wins Medal: टोकियोमध्ये खेळल्या जाणाऱ्या पॅरालिम्पिक खेळांमध्ये भारताचे विनोद कुमार यांनी चमकदार कामगिरी करताना कांस्य पदक अर्थात कांस्यपदक जिंकले होते, पण आता त्याच्यासाठी एक वाईट बातमी समोर आली आहे. वास्तविक, विनोद कुमारने टोकियो पॅरालिम्पिक 2020 मध्ये थाळीफेकमध्ये कांस्य पदक जिंकले होते. मात्र, आता सामन्याचा निकाल रोखण्यात आला आहे.

विनोद कुमारने थाळी फेकच्या F52 प्रकारात 19.98 मीटर थ्रोसह आशियाई विक्रम आपल्या नावे केला आहे. विनोदने सहा प्रयत्नांमध्ये (Attempt) 17.46 मीटर फेकून सुरुवात केली. यानंतर, त्याने 18.32 मीटर, 17.80 मीटर, 19.20 मीटर, 19.91 मीटर आणि 19.81 मीटर फेकले. त्याचा पाचवा थ्रो 19.91 मीटरचा सर्वोत्तम थ्रो मानला गेला. यासह त्याने आशियाई विक्रम आपल्या नावावर केला.

पंतप्रधान मोदींनी केलं अभिनंदन
पंतप्रधान नरेंद्र मोदी यांनी टोकियो पॅरालिम्पिकमध्ये कांस्यपदक जिंकल्याबद्दल ट्विट करून विनोद कुमार यांचे अभिनंदन केले आहे. ते म्हणाले, "विनोद कुमारच्या उत्कृष्ट कामगिरीमुळे भारत खूश आहे. कांस्यपदकासाठी त्यांचे अभिनंदन. त्यांची मेहनत आणि निर्धार उत्कृष्ट परिणाम देत आहे."

India is rejoicing thanks to Vinod Kumar’s stupendous performance! Congratulations to him for the Bronze Medal. His hard work and determination is yielding outstanding results. #Paralympics

— Narendra Modi (@narendramodi) August 29, 2021

निषाद कुमारने जिंकलं रौप्यपदक
तत्पूर्वी, भारताच्या निषाद कुमारने टोकियो पॅरालिम्पिक 2020 मध्ये चमकदार कामगिरी करून देशाला दुसरं रौप्य पदक दिले. त्याने उंच उडीत रौप्य पदक जिंकले. चमकदार प्रतिभेने समृद्ध असलेले निषाद कुमार चमकदार कामगिरी करत पहिल्या 3 मध्ये पोहोचले होते. त्याची अमेरिकेतील 2 खेळाडूंशी स्पर्धा होती.

निषाद कुमारने रविवारी टोकियो पॅरालिम्पिकच्या पुरुषांच्या उंच उडी टी 46 स्पर्धेत आशियाई विक्रमासह रौप्य पदक जिंकले. कुमारने 2.06 मीटर उडी घेऊन आशियाई विक्रम केला आणि दुसरे स्थान पटकावले. अमेरिकेच्या डलास वाइजलाही रौप्य पदक देण्यात आले कारण त्याने आणि कुमार दोघांनी समान 2.06 मीटर उडी मारली.

भारताने टोकियो पॅरालिम्पिकमध्ये तीन पदके जिंकली
टोकियो पॅरालिम्पिक 2020 मध्ये भारताला आता तीन पदके मिळाली आहेत. विनोद कुमारच्या आधी निषाद कुमारने उंच उडीत देशाला रौप्य पदक मिळवून दिले होते. त्याचवेळी, त्याआधी भाविना पटेलने रविवारी महिला एकेरी टेबल टेनिस क्लास 4 स्पर्धेत रौप्य जिंकले होते.