Tokyo Olympics 2020 : भवानी देवीनं रचला इतिहास, ऑलिम्पिकमध्ये तलवारबाजीचा सामना जिंकणारी पहिली भारतीय महिला
Tokyo Olympics 2020 : ऑलिम्पिकमध्ये भारताची आजच्या दिवसाची सुरुवात आनंदाच्या बातमीनं झाली. भारताच्या सीए भवानी देवीनं इतिहास रचत तलवार बाजीत पहिला सामना जिंकला आणइ पदकाच्या दिशेनं एक पाऊल पुढं टाकलं.
Tokyo Olympics 2020 : टोकियो ऑलिम्पिकमध्ये आज भारताची सुरुवात धमाकेदार झाली. भारताच्या सीए भवानी देवीनं इतिहास रचत ट्यूनिशियाच्या नादिया बेन अजिजचा पराभव करत तलवारबाजीचा सामना जिंकला आहे. ऑलिम्पिकमध्ये तलवारबाजीचा सामना जिंकणारी भवानी देवी भारताची पहिली महिला खेळाडू आहे. भवानी देवी (CA Bhavani Devi) नं महिला सेबर व्यक्तिगत टेबल ऑफ 64 सामन्यात 15-3 अशा फरकानं विजय मिळवला.
आठ वेळा राष्ट्रीय चॅम्पियन राहिलेल्या भवानी देवीचा या सामन्यात सुरुवातीपासूनच प्रतिस्पर्धी ट्यूनिशियाच्या नादियावर दबदबा होता. भवानीनं सामन्याचा पहिला राउंड अगदी सहज 8-0 अशा फरकानं जिंकला. 27 वर्षीय भवानी देवीनं दुसऱ्या राउंडमध्येही ट्यूनिशियाच्या खेळाडूला एकही संधी दिली नाही. दुसरा राउंडही भवानी देवीनं 7-3 अशा फरकानं आपल्या बाजूनं केला. भवानी देवीनं अवघ्या सहा मिनिटांत हा सामना आपल्या खिशात घातला. आता महिला सेबर व्यक्तिगत टेबल ऑफ 32 मध्ये भवानीचा सामना फ्रांन्सच्या मॅनॉन ब्रूनेटसोबत होणार आहे.
ऑलिम्पिकमध्ये सामना जिंकणारी पहिली महिला तलवारबाज
चेन्नईत राहणारी भवानी देवी ऑलिम्पिकसाठी क्वॉलिफाय होणारी पहिली भारतीय तलवारबाज आहे. आठ वेळा नॅशनल चॅम्पियन असणाऱ्या भवानी देवीनं कॉमनवेल्थ चॅम्पियनशिप टीम इवेंट्समध्ये एक सिल्वर आणि एक कांस्य पदक जिंकलं होतं. तर याच चॅम्पियनशिपच्या इंडिव्ह्युजअल इवेंटमध्येही भवानीच्या नावावर एका कांस्य पदक आहे. 2010 च्या एशियन तलवारबाजी चॅम्पियनशिपमध्येही तिनं कांस्यपदक जिंकलं होतं.
दरम्यान, तलवारबाजीच्या सेबर स्पर्धेत तलवारबाज प्रतिस्पर्ध्यावर वार करुन गुणांची कमाई करता. यामध्ये कंबरेच्यावर आणि मनगटाव्यतिरिक्त कुठेही तलवारीनं स्पर्श करुन गुण मिळवता येतात.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
