ED Raid on I-PAC: पश्चिम बंगालमध्ये राजकीय सल्लागार कंपनी 'आय-पीएसी'वर ईडीची धाड, महत्त्वाची कागदपत्रे ताब्यात घेतली

मुख्यमंत्री ममता बॅनर्जी यांना समजताच त्यांनी प्रतीक जैन यांच्या घरी धाव घेतली. त्या म्हणाल्या, "पक्षाचे हार्ड ड्राइव्ह आणि उमेदवारांच्या याद्या जप्त करणे हे ईडी आणि अमित शहा यांचे काम आहे का?

ED Raid on I-PAC

Source : PTI

ED Raid on I-PAC: अंमलबजावणी संचालनालयाने (ED) गुरुवारी कोलकाता येथील राजकीय सल्लागार कंपनी आय-पीएसी (I-PAC) आणि त्यांचे संचालक प्रतीक जैन यांच्या घरावर छापा टाकला. जैन हे ममता बॅनर्जी यांच्या पक्षाच्या टीएमसीच्या आयटी सेलचे प्रमुख देखील आहेत. पीटीआय या वृत्तसंस्थेनुसार, मनी लाँड्रिंग प्रकरणाच्या संदर्भात ही कारवाई केली जात आहे. मुख्यमंत्री ममता बॅनर्जी यांना समजताच त्यांनी प्रतीक जैन यांच्या घरी धाव घेतली. त्या म्हणाल्या, "पक्षाचे हार्ड ड्राइव्ह आणि उमेदवारांच्या याद्या जप्त करणे हे ईडी आणि अमित शहा यांचे काम आहे का? हा एक घाणेरडा गृहमंत्री आहे जो देशाचे रक्षण करण्यास असमर्थ आहे. त्या म्हणाल्या, "माझ्या पक्षाचे सर्व कागदपत्रे काढून घेतली जात आहेत. एकीकडे, ते पश्चिम बंगालमधील मतदारांची नावे एसआयआरद्वारे काढून टाकत आहेत. दुसरीकडे, अशी कारवाई केली जात आहे."

VIDEO | Kolkata: West Bengal CM Mamata Banerjee (@MamataOfficial) visits I-PAC Director Prateek Jain’s residence after an ED raid and says, “Is it the duty of Home Minister Amit Shah and the ED to take away all my party documents? If I go to the BJP party office, what will be the… pic.twitter.com/lRQOpKtVN4

— Press Trust of India (@PTI_News) January 8, 2026

ममता यांनी केंद्रीय एजन्सींच्या कामात हस्तक्षेप केला

भाजप नेते सुवेंदू अधिकारी म्हणाले, "मी छाप्यावर भाष्य करणार नाही. ईडी तपशील देऊ शकते. ममता बॅनर्जी यांनी केंद्रीय एजन्सींच्या कामात हस्तक्षेप केला." ममता बॅनर्जी यांनी आज जे केले ते तपासात अडथळा आणण्यासाठी होते. मुख्यमंत्र्यांवर कायदेशीर कारवाई केली पाहिजे. आयपीएसी कार्यालयात मतदार यादी का सापडली? आयपीएसी हे पक्षाचे कार्यालय आहे का?

I-PAC बद्दल जाणून घ्या

आय-पीएसी (इंडियन पॉलिटिकल अॅक्शन कमिटी) ही एक राजकीय सल्लागार फर्म आहे. संचालक प्रतीक जैन आहेत. ही संस्था राजकीय पक्षांना निवडणूक रणनीती, डेटा-आधारित मोहिमा, मीडिया नियोजन आणि मतदारांपर्यंत पोहोचण्यात मदत करते. आय-पीएसी पूर्वी सिटीझन्स फॉर अकाउंटेबल गव्हर्नन्स (सीएजी) होती. 2013 मध्ये प्रशांत किशोर यांनी प्रतीक यांच्यासह स्थापना केली. नंतर त्याचे नाव आय-पीएसी असे ठेवण्यात आले. प्रशांत किशोर यांच्या जाण्यानंतर प्रतीक यांनी आय-पीएसीची सूत्रे हाती घेतली. प्रशांत यांनी नंतर बिहारमध्ये 'जन सूरज' पक्षाची स्थापना केली. आय-पीएसी 2021 पासून तृणमूल काँग्रेस (टीएमसी) शी संबंधित आहे.

इतर महत्वाच्या बातम्या