Yash Dayal : 5 चेंडूवर 5 षटकार पडल्यानंतर यश दयाल आजारी, आतापर्यंत 8 किलो वजन घटले, हार्दिक पांड्याचा खुलासा
Yash Dayal : पाच षटकार खाणारा यश दयाल याचा आत्मविश्वास ढासळलाय... तो आजारी पडलाय..
Yash Dayal : पाच चेंडूवर 29 धावांची गरज होती, यश दयाल गोलंदाजी करत होता.. रिंकू सिंह याने लगोपाठ पाच षटकार लगावत कोलकात्याला थरारक विजय मिळवून दिला. हा सामना कुणीच विसरु शकणार नाही. या थरारक विजयानंतर रिंकू सिंह भारतामध्ये प्रसिद्ध झालाय. संपूर्ण क्रीडा विश्वात रिंकूची चर्चा सुरु झाली.. पण दुसरीकडे पाच षटकार खाणारा यश दयाल याचा आत्मविश्वास ढासळलाय... तो आजारी पडला.. त्या पाच चेंडूवरील पाच षटकारामुळे यश दयाल आजारी पडलाय...आतपर्यंत यश दयाल याचे सात ते आठ किलो वजन घटलेय... गुजरातचा कर्णधार हार्दिक पांड्या याने याबाबतची माहिती दिली.
पाच चेंडूवर पाच षटकार मारल्यानंतर यश दयाल गुजरातच्या संघातून गायब झाला. तो प्लेईंग ११ मध्ये दिसलाच नाही. त्यामुळे हार्दिक पांड्यावर प्रश्नचिन्ह उपस्थित केले जाऊ लागले. सोशल मीडियावर याची चर्चा होती. गुजरात आणि मुंबई यांच्यामध्ये मंगळवारी सामना झाला. या सामन्यात गुजरातने बाजी मारली. विजयानंतर हार्दिक पांड्याला यश दयाल याच्याबद्दल विचारण्यात आले. त्यावेळी हार्दिक पांड्याने सांगितले की, यश दयाल याच्या पुनरागमनाबद्दल आताच काही सांगू शकत नाही. सध्या तो आजारी आहे. त्याचे सात ते आठ किलो वजन कमी झालेय. त्याला ताप प्रचंड आलाय. त्यामुळे तो आजारी पडलाय. अशा स्थितीत तो कधी पुनरागमन करेल हे सांगता येऊ शक नाही. मला वाटतेय की, यश दयाल याच्या पुनरागमनाला मोठा कालावधी लागेल.
Who is Yash Dayal : कोण आहेत यश दयाल?
यश दयाल हा उत्तर प्रदेशातील प्रयागराजचा रहिवासी आहे. यशचे वडील चंद्रपाल हे देखील त्यांच्या काळातील चांगले वेगवान गोलंदाज होते. एवढेच नाही तर या गोलंदाजाची आयपीएल 2022 मधील शानदार कामगिरीनंतर बांगलादेश दौऱ्यासाठी भारतीय संघात यश दयालची निवड झाली. पण यशला अद्याप पदार्पणाची संधी मिळालेली नाही.
Yash Dayal in IPL 2022 : गेल्या हंगामात चांगली कामगिरी
यश दयाल हा डावखुरा वेगवान गोलंदाज असून त्याचा आयपीएलमधील हा दुसरा हंगाम आहे. आयपीएल 2022 (IPL 2022) च्या मेगा लिलावात त्याला गुजरात टायटन्सने 3.2 कोटी रुपयांना विकत घेतलं. यशने पदार्पणाच्या मोसमात 9 सामन्यात 11 विकेट घेतल्या. गेल्या मोसमात त्याने चांगली गोलंदाजी केली. यशसाठी आयपीएल पदार्पण दमदार ठरलं. त्यानं राजस्थान रॉयल्सविरुद्धच्या पहिल्या सामन्यात 4 षटकात 40 धावा देत तीन बळी घेतले होते. यशने शानदार खेळी करत अवघ्या 9 सामन्यांत 11 बळी घेत गेल्या मोसमात गुजरातला चॅम्पियन बनवण्यात महत्त्वाची भूमिका बजावली.
महत्त्वाच्या बातम्या
