PBKS vs SRH, Top 10 Key Points : हैदराबादचा पंजाबवर विजय, सामन्यातील 10 महत्त्वाचे मुद्दे वाचा एका क्लिकवर

आयपीएलमधील आजच्या 28 व्या पंजाब किंग्स विरुद्ध सनरायजर्स हैदराबाद (PBKS vs SRH) सामन्यात हैदराबादने आधी भेदक गोलंदाजी आणि नंतर दमदार फलंदाजी करत सात विकेट्सनी पंजाबवर विजय मिळवला.

PBKS vs SRH

PBKS vs SRH, IPL 2022 : आयपीएलच्या आजच्या सामन्यात हैदराबादने आधी भेदक गोलंदाजी आणि नंतर दमदार फलंदाजी करत सात विकेट्सनी पंजाबवर विजय मिळवला आहे. आधी हैदराबादने उत्तम गोलंदाजीच्या जोरावर 151 धावांत पंजाबला रोखलं. ज्यानंतर मार्करम आणि पूरन यांच्या अभेद्य भागिदारीच्या जोरावर त्यांनी 18.5 षटकात 152 धावांचे लक्ष्य पार करत सात विकेट्सनी विजय मिळवला. हा त्यांचा स्पर्धेतील चौथा विजय असल्याने ते गुणतालिकेतही चौथ्या स्थानावर पोहोचले आहेत.तर या सामन्यातील महत्त्वाच्या 10 मुद्द्यांवर एक नजर फिरवू...

PBKS vs SRH 10 महत्त्वाचे मुद्दे-

1. सामन्यात सर्वात महत्त्वाची गोष्ट म्हणजे नाणेफेक. नाणेफेक जिंकणारा संघ सामनाही जिंकतो असंच समीकरण झालं आहे. त्यानुसार आज देखील हैदराबादने नाणेफेक जिंकत प्रथम गोलंदाजी घेतली आणि त्यानंतर सामनाही जिंकला. 
2. सामन्याबद्दल बोलायचं झालं तर सामन्यात हैदराबादच्या संपूर्ण संघाने एका उत्तम खेळीचे दर्शन घडवले. त्यांनी आधी भेदक गोलंदाजी आणि नंतर उत्तम फलंदाजीच्या जोरावर सामना खिशात घातला.
3. पंजाबला प्रथम फलंदाजीची संधी मिळाली होती. पण दुखापतीमुळे त्यांचा कर्णधार मयांक नसल्याने याचा फटका त्यांना बसला. दोन्ही सलामीवीर स्वस्तात माघारी परतले
4. पंजाबचा लियाम सोडता सर्व खेळाडू खराब कामगिरी करु शकल्याने पंजाबने 151 धावा केल्या. लियामने दमदार खेळी करत 60 धावांची महत्तपूर्ण खेळी केली.
5. दुसरीकडे हैदराबादची गोलंदाजी पाहता त्यांच्या उम्रान मलिकने आज कमालच केली. अखेरच्या षटकात हैदराबादचा उम्रानने दमदार अशा तीन विकेट्स घेतल्या. तर एक खेळाडू धावचीत झाला. त्यामुळे अखेरच्या षटकात एकही धाव न जाता पंजाबचे चार गडी शून्यावर माघारी परतले. 
6. ज्यानंतरक 152 धावांच्या लक्ष्याचा पाठलाग करताना हैदराबादची पहिली विकेट कर्णधार विल्यमसनच्या (3) रुपात स्वस्तात गेली. पण त्यानंतर राहुल त्रिपाठी आणि अभिषेक शर्मा यांनी एक चांगली भागिदारी रचली.
7. हे दोघेही बाद झाल्यावर मात्र निकोलस पूरन आणि अॅडन मार्करम यांनी अभेद्य अशी नाबाद भागिदारी रचत 152 धावांचे आव्हान 18.5 षटकात पार केले.
8. यावेळी पूरनने नाबाद 35 आणि मार्करमने नाबाद 41 रन ठोकले.
9. पंजाबकडून राहुल चाहरने दोन तर रबाडाने एक विकेट घेतली.
10. या विजयासह हैदराबादने गुणतालिके थेट चौथ्या स्थानी झेप घेतली आहे.

 हे देखील वाचा-